終於到咗決戰嘅時刻喇！喺第一階段公佈完人氣投票第6名至第10名嘅結果之後，緊接著嘅係大家最期待嘅前5名，想知道得票數係點、各有邊啲擁護者，同埋日本人真心推薦嘅理由，咁就一定要睇到最尾喇！
睇結果之前，先嚟重溫一下呢次參與評選嘅項目有邊啲啦？
★☆史上最強FUN企劃！日本人瘋狂試食台灣人氣爆燈土產 Vol. 1☆★
人氣投票第6名至第10名：
★☆結果發表（上）☆★史上最強FUN企劃！日本人瘋狂試吃台灣人氣名產伴手禮 Vol. 2
★☆FUN! JAPAN日本人心中台灣人氣土產排行榜☆★
人氣投票NO.5 黑糖沙琪瑪：6分
呢個好食～！但可以俾張濕紙巾我嗎...手黏黏地......
呢個對我嚟講有啲甜～～
好...好懷念嘅味道啊！話唔埋細個嗰時阿媽有俾過我食...
睇起嚟好大舊、唔顯眼，但拎起手又輕飄飄，比我想像中好食～
呢個好似迪士尼會有嘅味道喔！（聞～）
都好似戲院嘅味道耶！
係咪聯想到爆谷嘅焦糖味呢？哈哈哈哈哈哈哈
人氣投票NO.4 牛軋餅：10分
係青蔥！佢居然加咗青蔥！（雙眼泛著感動嘅淚光）
無諗過甜甜嘅牛軋糖加上鹹鹹嘅蘇打餅夾埋一齊嘅滋味居然係咁搭㗎，好特別嘅組合呀！
呢個好好食啊！（一啖塞入口）
RIO食得太快啦！我啱啱先撕開包裝袋咋～
因為金好呷嘛！金好呷～金好呷～ (好好食)
居然一口吞晒…咀嚼多兩啖先感受到佢嘅美味㗎嘛！
呢個幾有飽肚感，平時可以當正餐口咁嚟食喎，好像蔥花鬆餅喎！
人氣投票NO.3 花生酥：10分
一打開包裝花生嘅香味就出晒嚟！
（食咗一啖）天啊！呢個完全係我嘅菜啊！
甜甜地金好呷～～甜甜地金好呷～～～（一直瘋狂咁同隨隔離嘅人推薦！）
RIO其實係「甘黨男子」吧！（PS：日文嘅「甘黨男子」係指鍾意食甜嘢嘅男性。）
呢個一啖食落去口入面嘅水份即刻吸乾晒………（狂飲水）
哈哈哈哈哈哈哈哈哈唔好意思！唔記得先幫大家準備茶水添，下次改進，嘿！
花生酥同「CHINSUKO」有啲似？（PS：「CHINSUKO」係沖繩名產。）
全員：真係喎！似呀似呀！
人氣投票NO.2 蛋捲：11分
呢個完全就係YOKUMOKU啊！！！
幾好食呀～～～～喔依西～喔依西～
如果唔咁甜會好食啲XD
我又食到成地都係喇…
呢啲都係濕濕碎嘅！其他先跌得犀利！！！
人氣投票NO.1 鳳黃酥&鳳梨酥：11分
天啊～果然名不虛傳！點解會有咁好食嘅嘢㗎～好銷魂啊～
既然TONY咁鍾意，咁就請再食多一個啦！哈哈哈哈哈
真係可以？咁我就唔客氣喇！謝謝♡♡♡
太好食啦！好食到飛起呀～～
鳳黃酥同鳳梨酥外表睇起嚟根本就一樣嘅，但加埋蛋黃居然味道變得咁美妙！鳳黃酥大勝啊！
我聽講鳳梨酥當中，有分加咗菠蘿同無加菠蘿兩種，係咪真㗎？
啊~ 係呀係呀，台灣嘅鳳梨酥其實有兩種餡，一種係土鳳梨酥，以菠蘿餡為主；一種係傳統鳳梨酥，以冬瓜餡為主。呢次買嘅係佳德鳳梨酥，應該偏向傳統鳳梨酥。
難怪！我就覺得有啲奇怪，食起嚟唔太似菠蘿呀！
睇一下成分表，佳德鳳梨酥裡面有加入菠蘿啦～～就算係用冬瓜餡嘅傳統鳳梨酥，都絕對無呃人㗎！RIO就係鍾意講笑咋嘛！！！！
日本人真心推薦：呢個係我心目中第一名嘅台灣手信
鳳梨酥個朵真係好響，去台灣前都會被話要買鳳梨酥返嚟！實際食過之後，果然正如大家所講咁好味，下次可以更加有自信咁同大家推薦呢個必買嘅手信啦！
今日食嘅手信當中大部份都係第一次食，其中鳳梨酥係最令我人驚艷，甜度啱啱好，非常好食！好想推薦俾去台灣玩嘅朋友們。
第一次食蛋捲時就鍾意咗呢種味喇，可能係因為我好鍾意YOKUMOKU啦，對我嚟講係好熟悉嘅味道，會係平時都會想食！不過，蛋捲比YOKUMOKU更加易跌餅碎呀！
我最鍾意嘅係花生酥，食起嚟酥酥脆脆，係其他手信無嘅口感。雖然口入面嘅水份會好快被吸晒，但仍然會想一口接著一口，停唔到落嚟呀！我可以再食一個嗎？？
我最鍾意嘅都係花生酥，雖然佢係所有手信當中最甜嘅，但都係最易入口，因為只係一口大小可以直接塞入口，唔使擔心佢會跌到成地都係！連唔係太食甜嘢嘅我都食到花生酥，讚！
用金好呷都唔夠形容我對牛軋糖嘅喜愛喇！呢個甜度最啱我呢種「甘黨男子」，裡面加入咗堅果仲飄散著濃濃奶香，每次大家從台灣買牛軋糖返嚟，我都總係食好幾個，搞到DEN出差返嚟都無得食真係好抱歉吖！哈哈哈哈哈哈！
牛軋糖我都幾鍾意，不過就咁食仲係太甜嘅感覺。加咗兩塊蘇打餅之後，鹹味同甜味取得平衡，食起上嚟味道啱啱好，口感都好正，都會令人忍唔住想食多幾塊！
我對於懷舊嘅零食、甜點最無抵抗力㗎喇，就好似黑糖沙琪瑪口感咁絕妙嘅甜點，連喺日本都好少見呢。黑糖嘅味好濃郁，每食一啖，黑糖嘅香氣就喺口中散發，不禁令人諗起細細個單純美好嘅時光！
我最鍾意嘅係綠豆椪，喺日本紅豆餡嘅甜點就好常見，不過好少食到好似綠豆椪呢種白色餡嘅甜點，聽講呢個同「春雨」（PS：日文嘅「春雨」就即係「粉絲」。）係用一樣嘅原料製成，真係好意外呀！12月去台灣時希望可以買到佢啦！
嘩！經過一番激戰，鳳梨酥最終都能夠保住第一名嘅寶座！而加入咗蛋黃嘅鳳黃酥，感覺又略勝一籌！希望呢一次小小嘅評選結果，可以俾大家作為送禮俾日本人嘅參考。如果鍾意我哋嘅【FUN!企劃】歡迎俾Like、share，或者留言俾我哋編輯團隊知你嘅寶貴意見啦：）
Comments