親愛嘅讀者，大家好！呢度係FUN! JAPAN東京辦公室本部，對小編嚟講嚟公司返工係一件非常愉快嘅事，因為有嚟自八個唔同國家嘅同事齊聚一堂，零食區都成日擺滿大家喺各地出差、旅行嗰陣帶返嚟嘅紀念品。今次FUN! JAPAN就特別推出咗台灣人氣土產瘋狂試食企劃，俾日本人揀選心目中最鐘意嘅台灣紀念品排行榜！
前情提要…
話說某一天，預計第二日就要去台灣出差嘅Vince被秘密交代一項重要任務…
哎呀！Vince！聽日要去台灣出差真係辛苦曬你啦！你應該知道點做喇掛~嘿嘿嘿嘿(*￣▽￣)ﾌﾌﾌｯ♪
無問題，土產啊嘛？包喺在下身上。不過，要買D乜好呢？都唔知買乜好㖭…
唔緊要、全部交俾你啦！你揀嘅口味一定唔會錯嘅！
吓…咁我真係要諗諗啦…之前大家都成日去台灣，台灣土產都一定食勻曬啦！
哈哈哈哈！唔緊要！台灣嘅嘢咁好食！不如咁啦，你全部都買！我就負責食曬佢哋啦！！
既然你咁講，我真係買好多返嚟噶啦！
結果，就變成咁樣。。。。。
Vince…你將成個免稅店都包咗落嚟啊…（傻眼）
凡事包喺我身上、你放心！哈哈哈。我跑勻台灣各大紀念品店，從北到南都有，一共十一種！NOB話會全部食曬佢哋，所以我就努力搬咗返嚟啦！喺機場托運行李嗰陣仲差D超重㖭啊…
我一個人食嘅話，食到平成結束都食唔曬喇掛…唔得唔得！咁多好嘢唔可以凈係得我獨享，叫大家過嚟！舉辦一個瘋狂試食大會，然後揀吓睇邊一樣最有人氣，一定會成為FUN! JAPAN史上最強嘅超級企劃！等我做一個企劃書寄俾大家…（摩拳擦掌、興致勃勃）
NOB你嘅行動力真係唔簡單，好得人驚…
試食大會當日
喺NOB強力嘅號召之下，總共募集到9位試食大使，大家聽到有好多好嘢食，紛紛自告奮勇！
就係咁，第一屆台灣土產瘋狂試食大會，正式開始！！！總共有十一種，等等大家可以盡情咁食！
（全員熱烈鼓掌）
喺進行介紹之前，先說明一吓投票規則！每個人會拿到1張綠色嘅「金好呷」、3張黑色嘅「金好呷」同1張紅色嘅「歹呷」小卡，分別代表3分、1分同負1分，最後投票統計完分數最高嘅就係第一名！
乜係「金好呷」？（舉手）
「金好呷」嘅台語係「超好食」嘅意思，而「歹呷」就係「難食」嘅意思。
全員：原來係咁！金～好～呷～
台灣嘅嘢食金¬～好～呷～！金¬～好～呷～！金¬～好～呷～！…
「邊樣係台灣第一名土產」生死戰之大預測…
試食大會正式開始啦！由Vince同Akane擔任解說員，並且預測日本人會不會鐘意，先從外觀嚟測試一吓日本人嘅反應如何！
台北老字號佳德鳳梨酥同鳳黃酥，即使平日去都要排隊20分鐘以上先至買得到！雖然鳳梨酥好好食，不過我估好多人都食過，話唔定會有人覺得「點解又係鳳梨酥？」
鳳梨酥我食過，但無食過有蛋黃嘅！
一直聽聞台灣嘅鳳梨酥好有名，終於有機會食啦！
呢個要排隊20分鐘以上呀？多謝Vince大大！
★現場得2位無食過！鳳梨酥究竟可唔可以守住台灣第一土產嘅招牌呢？
日本人可能有食過紫色嘅番薯，但應該無食過紫色嘅芋頭。阿聰師芋頭酥係台中十大土產，純手工製作，而且入面加咗Q軟麻糬，雖然可能唔係成日食，我覺得呢個絕對會大受日本人歡迎。
包裝上面仲寫咗日文喔！「故鄉之味成分」（原文：故郷の味成分）…有D唔係好明…
大概係阿嫲嘅味道掛！
紫色包裝好得意！
★現場居然無日本人食過芋頭酥！包裝盒上面寫咗日文嘅芋頭酥，到底可唔可以擄獲日本人嘅芳心呢？
牛軋糖大家應該都唔陌生，之前其他同事有買過糖村、櫻桃爺爺……等牌子，成日一眨眼就食曬，超有人氣！比較特別嘅係呢個牛軋餅，外層係鹹鹹甜甜嘅蘇打餅乾，入面包住甜滋滋嘅牛軋糖，日本人應該都會覺得幾新鮮！有無人食過牛軋餅呢？
全員：無啊～～
咁大家應該都食過牛軋糖喇掛？
全員：食過！！！（舉手）
咦？DEN點解無舉手嘅？!
我都無食過～～～～～～～～～（編按：因為DEN成日都出差，返到辦公室嗰陣一早就被搶光！真係辛苦曬DEN啦！等陣請食多D喇！）
★現場幾乎所有人都食過牛軋糖，但無人食過牛軋餅。牛軋餅會唔會成為最新土產嘅人氣王呢？
台中有好多出名嘅太陽餅，不過一咬落去口中嘅水分馬上就被吸乾，而且D餅屑會跌到周圍都係，對於重視整潔嘅日本人嚟講會有D困擾，我有自信90%嘅日本人絕對唔會鐘意呢個！
呢個喺台灣好有人氣嘎？
鐘意嘅人都唔少咯！「太陽餅」幾乎已經成為「台中」嘅代名詞了！GEN你有無食過啊？
好似無………（睇到太陽餅之後………）阿！我食過！原來呢樣嘢叫太陽餅啊！因為餅屑掉到我成身都係，睇到就即刻記得…
今日返去又要洗衫啦…（抱頭）
★現場得2位食過太陽餅，Vince嘅預言會唔會成真呢？
舊振南餅舖係台南、高雄一帶好出名嘅傳統餅店，睇吓呢個包裝幾咁古色古香！係長輩最愛嘅婚禮紀念品。不過可能同太陽餅有D似，食咗之後會好想飲返杯茶！係啦，順便一提，舊振南最早創業於西元1890年，非常有歷史感。
喔…原來係喺日清戰爭之前創立…
全員：喔…咁都幾老吓…（大家一臉心照嘅表情XDDDDDD）
★現場無人食過綠豆椪，傳承百年嘅好味道會唔會吸引大家成為新一代顧客呢？
桃園最出名嘅龍情花生軟糖，有原味、芫西、海苔、芝麻四種口味！雖然入面有花生，不過混合咗麥芽糖，我諗可能有50%人會鐘意、50%人唔鐘意，因為好黐牙！
全員：芫西?!（全員驚呼、不可置信！）
好難想像呢個竟然係甜點……
我最鐘意食嘅就係芫西！
★現場無人食過花生軟糖，會黐牙嘅甜品喺日本相當少見，日本人嘅接受度又高唔高呢？
奇華雖然係香港嘅餅店，不過喺台灣都非常有名氣而且好受歡迎嘎！雞蛋捲係最普遍嘅商品，凈係睇呢個精緻嘅鐵盒已經相當吸引人，我估日本人都會好鐘意！而且打開個蓋之後，一陣濃郁嘅奶蛋香氣撲鼻而來，大家靠近一D聞吓喇！
全員：喔喔喔喔喔喔喔喔喔！好香啊！好香啊！（深～呼吸）
好似YOKUMOKU！呢個一定好好食！（編按：YOKUMOKU係日本知名嘅蛋捲土產。）
全員：真係喔！係YOKUMOKU啊！（每個人都對住蛋捲狂吸……）
★現場有3位食過，好似日本知名土產嘅奇華雞蛋捲，會唔會受到日本人嘅青睞呢？
九份芋圓Q餅台灣人應該比較少食，但係喺九份當地似乎好有人氣咁，食上嚟好似麻糬嘅Q軟口感，重點係唔會食到周圍都係餅屑！應該至少會有中間嘅名次。
呢個有無人食過呢？
全員：（一片靜默…）
咁有無人知道係乜嚟嘅呢？
我！（舉手）
全員：喔喔喔喔喔喔喔喔喔…不愧係見多識廣嘅RIO！（大家報以崇拜嘅眼神！）
★現場無人食過芋圓Q餅，但睇喺觀光名所九份出產嘅份上，會拉到幾票呢？
呢個係一個好古早味嘅東東…可能係爺爺奶奶細個嗰陣成日食嘅零食，可能連好多台灣嘅年輕人都無食過。不過黑糖嘅香氣好濃郁，話唔定大家都會鐘意嘎！
好似有D似花林糖喔！
係啊係啊！有D似花林糖！不過比起花林糖更加軟一D！
呢個食上嚟都有D黐牙。
全員：點解又係咁黐牙嘎？!台灣好似好多呢種好黐嘅食物！（又係一陣驚呼！！！！！）
★現場無人食過黑糖沙其瑪，懷舊嘅古早味可唔可以成功攻佔日本人嘅味蕾呢？
呢個花生酥相信台灣人應該好有愛，不過日本人可能會覺得有D太甜，而且又係會一直掉屑嘅東東，可能唔太受好評…
呢個幾出名嘎喔？我有食過！
我都有食過！真係會跌好多屑……
凈係睇都覺得嘴入面嘅水分被吸乾曬…
★現場得2人食過花生酥，其他人好似都唔知喔！呢個甜度日本人接唔接受到呢？
哇！睇嚟大家對於台灣嘅食物都仲算熟悉！呢次揀選嘅土產當中，有唔少係日本人無食過嘅，究竟大家心目中最受歡迎嘅台灣土產會唔會重新大洗牌呢？請待下回分解！
Comments