FUN! JAPAN推出嘅「日本人最愛嘅台灣手信」企劃，喺經過瘋狂試食同激烈評選之後，結果終於出爐喇！相信大家一定非常期待啦！小編溫馨提示，呢次評選對象僅限於社內嘅日本人，而參加呢次評選嘅手信都只係一小部分咋，話唒台灣有咁多美食，真係食都食唔晒啦！
對於評選結果大家睇完笑吓就好喇，唔使咁介懷！小編保證社內嘅日本人其實都非常鍾意台灣食物㗎！好喇，唔講咁多，去片睇結果啦！先嚟揭曉第6名到第10名嘅係……？!
睇結果之前，先嚟重溫一下今次參與評選嘅手信有邊啲先？
★☆史上最強FUN企劃！日本人瘋狂試食台灣人氣爆燈土產 Vol. 1☆★
日本人瘋狂試食後...
眾多美食當前，好少人可以保持冷靜。平時睇落好似不動如山嘅日本人同事，喺經過一番瘋狂試食之後，都紛紛陷入大戰，畢竟只係得一張綠色「金好呷」（代表＋3分）、三張黑色「金好呷」（代表＋1分），同一張紅色「歹呷」（代表−1分），每個人手上嘅五張選票即將決定枱上所有手信嘅命運！大家就覺得自己責任好重大...要好謹慎咁揀先得！！！！
一口氣食晒11種手信，大家覺得點呀？老實講，連我都未試過一次過食咁多...
果然台灣嘅食物真係唔講得笑！正呀👍👍👍
總算將之前食唔到嘅一次過食返夠本！超滿足～～
好愉快嘅下午茶時間喔！嘿嘿～
搵到我嘅真命天子啦♡
12月啱啱好要去台灣玩，已經諗好要買咩手信返嚟喇！（笑）
喺我心目中，第一名非佢莫屬喇！嘿嘿～
我又想再去一次台灣喇！VINCE請話俾我知喺邊度可以買到佢啦！唔好私藏啊～
除咗金好呷之外，諗唔到其他形容詞喇～就唔可以將黑色嘅金好呷通通換成綠色呀？
看嚟台灣手信真係廣受好評耶！不如從善如流，今次就將「歹呷」選項拎走啦！
全員：贊成！！！！！（全員歡呼）
耶～NOB好MAN啊！
★☆FUN! JAPAN日本人心中台灣人氣手信排行榜☆★
（計分方式說明：11樣手信嘅評選結果如有同分情況發生嘅話，將再用綠色金好呷嘅張數嚟決定名次；如果點都分唔到高下嘅，就列為同一名次。）
人氣投票NO.10 太陽餅：1分
一攞起就跌到成地都係...真係對打掃阿姨唔住！！（邊食邊執地上嘅餅碎...）
食起嚟無想像中咁甜～我OK喎！
都話台灣人普遍係幾鍾意㗎啦。
愈食愈香喎，味道係好好食。
呢個金好呷呀～你哋唔食呀？咁我食埋佢喇～太陽餅嘅好就只得我識得欣賞！（又拎多一塊）
人氣投票NO.10 芋頭酥：1分
呢個正中我紅心！超鍾意～
食起嚟都無唔係咁甜吖～
有好多層皮喎～而且無想像中咁甜~（仔細研究芋頭酥點解可以有咁多層~）
太陽餅嘅名次都算係意料之內，但係包咗麻糬嘅芋頭酥居然名次咁低...好意外！
台中嘅朋友唔好氣餒！喺我我心中芋頭酥同太陽餅都係不可取代㗎！
人氣投票NO.8 九份芋圓Q餅：2分
都未去過九份，但我就可以話自己食過九份芋圓Q餅喇！（自信滿滿）
QQ地彈牙都幾好食～ 列入購買清單！
九份真係個好地方呀～我諗返起飄著古早味嘅九份老街、九份嘅海同嗰度嘅人情味～
唔係好甜喎，好食，金好呷～
RIO從一開始就一直講金好呷，對你嚟講有唔好食嘅嘢咩XDDDD
又無喎！只有好食、好好食同非常好食嘅分別！
人氣投票NO.8 花生軟糖：2分
花生軟糖有芫荽、芝麻、紫菜同原味，大家要邊一種？
芫荽～～～～
芝麻都好似唔錯耶～～
唔該俾紫菜嘅我吖～
呢個太黐喇啩！而且好多大大粒嘅花生！茶呢？我嘅茶！
根本就係士力架(Snickers)朱古力嚟嘅！
肚餓嘅話，就食士力架！（比讚）
（編按：因為日本人幾乎都係第一次睇到咁黏牙嘅花生軟糖，每個人打開包裝後都引起一陣驚呼……）
食起嚟口感好似味噌花生（味噌ピー）耶。
要控制飲食嘅人要注意喇，一塊嘅熱量有成140卡路里㗎！
人氣投票NO.7 牛軋糖：4分
有補過牙嘅人食呢個要小心喇！話唔定將隻假牙吸埋出嚟呀～
真係…要注意一下好啲XD
係呀係呀～話晒睇牙醫都唔平㗎…萬一食咗牛軋糖要花大錢補牙，會被牙醫和護士笑啦XD
咬耐咗塊臉有啲啲酸耶！
咩話！唔通食牛軋糖仲意外地有瘦臉效果？（大心）
好～好～食～（嚼）
人氣投票NO.6 綠豆椪：5分
喺台灣中秋節有食月餅嘅習俗，眾多月餅當中，綠豆椪係好受人歡迎㗎！當然平時鐘意買嚟食嘅人都唔少啦！
原來呢個就係月餅呀！細細個好得意呀～口感同甜度都啱啱好呢。
喔喔喔喔！裡面鹹鹹地喎
鹹鹹地係因為裡面加咗蛋黃。
今天吃了好多蛋黃... （摸摸肚子）
食咗一啖講唔出係咩滋味XD 好特別嘅口感。
嘩！諗唔到第6名到第10名嘅戰況就已經咁緊張喇，我諗前5名嘅寶座之爭會更加激烈啦！唔好走開，我哋即刻為您揭曉！
人氣投票第1名至第5名：★☆結果發表（上）☆★史上最強FUN企劃！日本人瘋狂試食台灣人氣爆燈土產 Vol. 3
Comments