經過時間嘅流逝，日本明治維新後喺東京建築、具有文藝復興風格嘅外交賓館「鹿鳴館」已被拆除。文化財產嘅拆毀令人惋惜，1940年代，一位建築師為保存文化遺產，創辦咗明治村。致力於重新安置一啲具有藝術及歷史價值嘅建築，保存並展示日本明治時代嘅象徵性建築，現已成為外國遊客同日本人嘅熱門景點。
博物館明治村特色
明治村有好多值得欣賞嘅美麗建築。其中一個係美國建築師法蘭克·洛伊·萊特（Frank Lloyd Wright）設計嘅帝國酒店。除此之外，仲可以睇到聖方濟·沙勿略(St. Francis Xavier)嘅教堂，1870年中井家族擁有嘅清酒釀酒廠、品川燈塔等。雖然大部分建築都來自明治時代（1868年至1912年），但亦有部分來自大正時代（1912年至1926年），一於嚟呢度一窺近代日本建築史。
四季皆宜嘅博物館明治村
博物館明治村無論任何季節都有唔同嘅美景可以欣賞。春天有山茱萸、杜鵑花同櫻花。夏季可以穿上浴衣觀賞煙花。秋天可以賞楓。冬天地面被白雪覆蓋，夜晚柔和嘅燈光營造出溫馨浪漫嘅氛圍。
唔好錯過博物館明治村內嘅紀念品店
明治村博物館內有多間紀念品商店，販售各式各樣嘅商品，例如日本特有嘅雜貨同糖果，簡直行到流連忘返！
東京站商店
呢度販售各式各樣明治村嘅限定商品，例如原創嘅長崎蛋糕同法式油酥餅等點心。亦有夏目漱石著作嘅可愛版裝訂書籍，以及其他日式雜貨。
品川硝子商店
呢個係一間玻璃專門店，販售雜貨、餐具同配件。
日式懷舊駄菓子屋「八雲」
日本人童年食嘅糖果、玩嘅竹蜻蜓、紙氣球等都可以買得到。
和風小物雜貨店「樂」
可以買到日式小物雜貨、飾品、陶器、日式布手巾、日式包裹布「風呂敷」同手巾仔等。
門票
成人1,700円。
※如果想喺明治村內乘搭蒸汽火車，需額外支付1000円。
交通方式：從名鐵巴士中心前往明治村
開往明治村博物館嘅巴士，每日從名古屋站嘅名鐵巴士中心出發。單程車費960円，落車再投幣付款。車上設置自動找錢嘅機器，唔使擔心無啱啱好嘅零錢，只需喺落車之前將車費準備好就得。
交通方式：從犬山站前往明治村
從名鐵犬山站東口，乘搭開往明治村博物館嘅巴士。單程費用為420円，約20分鐘即可抵達。
景點資訊
- 名稱: 明治村
- 地址: 愛知縣犬山市字内山1番地
Comments