日本三大祭典之一：大阪天神祭

天神祭，字面翻譯為「神嘅節日」，大阪天滿宮供奉嘅學問之神會喺呢個時候出巡，巡視一下大阪嘅城市繁榮。天神祭係日本三大祭典之一。如果7月25日喺大阪嘅話就一定要嚟睇睇，可以親自體驗大阪嘅傳統祭典絕對唔會令你後悔。

關於天神祭

天神祭係大阪天滿地區天滿宮夏季重要嘅節日，亦都係日本三大祭典之一。天神祭始於951年，大阪天滿宮建成兩年後，於每年7月24日和25日舉行。

日本人認為大阪天滿宮係供奉學問之神「菅原道真」嘅神社。喺祭典期間，學問之神會出巡，巡視一下大阪市嘅繁榮。

相關資訊

• 名稱: 大阪天滿宮
• 地址: 大阪府大阪市北區天神橋2-1-8
• 交通方式: 南森町站落車步行5分鐘；JR大阪東西線大阪天滿宮站落車步行5分鐘

2019 天神祭

天神祭嘅主要活動喺7月25日舉行。呢個地區充滿咗各種表演，包括文樂劇場、神樂同大阪嘅舞蹈表演。但重點為下午3點半從天滿宮到大阪街道嘅遊行隊伍，隊伍將喺下午6:00返回大川嘅船上，並將於晚上9:00返回天滿宮。

天神祭煙火

呢個祭典因為煙花而聞名，沿著大阪大川河岸施放2個鐘嘅煙花，據聞係為咗盡可能地取悅神明。

沿著河岸，煙花於每年嘅7月25日晚上7:00到9:00點亮天空。點燈嘅船隻隊伍倒映喺河面，絕對係一個壯觀嘅景象。

天神祭美食

如果無街頭小食，夏日祭典永遠唔會完整。祭典上有好多小食攤位，係一個嘗試大阪美食嘅好機會。嚟到大阪一定要食章魚燒同大阪燒。一邊睇煙花一邊享用小食，係享受天神祭嘅好方式。

大阪城附近嘅餐廳

天神祭地點距離大阪城西北處唔遠，係喺大阪停留期間參觀城堡嘅好時機。大阪城附近仲有好多餐廳。

推薦以下餐廳，從平價到中等價格都有：

Nishihara

即使喺大阪，呢間店嘅鰻魚都係以關東風格烹調，通常比關西風烹調嘅鰻魚更柔軟。

相關資訊

• 名稱: Nishihara (鰻 にしはら)
• 地址: 大阪府大阪市中央區北新町 4-12
• 交通方式: 天満橋站步行7分鐘；谷町四丁目站步行5分鐘

Curry Rice Indoya (森之宮店)

有無諗過印度咖哩如何迎合日本人嘅口味呢？嚟試下呢間店。自行選擇辣度，咁就可以滿足自己舌頭嘅需求啦。

相關資訊

• 名稱: Curry Rice Indoya (カレーライスの印度屋 森ノ宮店)
• 地址: 大阪府大阪市中央區森之宮中央1-16-22
• 交通方式: JR、地下鐵森之宮站步行3分鐘

Vege Batake Cafe Komachi 

呢間餐廳提供健康蔬果，有好多以素食為主嘅餐點，價格實惠。

• 名稱: Vege Batake Cafe Komachi (ベジ畑カフェ小町)
• 地址: 大阪府大阪市中央區森之宮中央1-14-1 2F
• 交通方式: 地下鐵中央線「森之宮」站7號出口 步行1分鐘；JR大阪環狀線 「森之宮」步行1分鐘