日本獨有嘅小型汽車, 輕自動車(K-Car)之中一款好特別嘅型號就係HONDA「S660」。引擎喺司機個位背後, 喺角位轉彎時保持到高速甚至可以媲美高級跑車, 呢個高性能係令佢得到知名度嘅原因。喺今年8月, 將S660外形復古化後, 製作出「S660 Neo Classic」並於市面發售。而呢部車係由HONDA嘅子公司—HONDA ACCESS開發嘅。將S660化身成「可愛」跑車, 受到好多HONDA Fans嘅注目呀。
圓碌碌嘅車頭燈, 簡直好似動漫角色個樣咁
首先我哋睇吓佢個外型先。車身正面個車頭冚, 泵把, 車頭燈, 水箱罩等, 都全部換過唒啲底板同零件。原創嘅車頭燈由普遍橫長形狀變成圓形, 正面睇起上嚟令人印象深刻。唔係炫耀高性能設計, 反而係用「kawaii(可愛)」嚟包裝呢款車。
同樣地車身後半部都換咗好多零件,大大改革過設計。從車門到車身後半部份嘅車頂線條平緩, 俾人沉實穩重形象。普經, Pininfarina同Zagato等意大利汽車設計公司所創造嘅「coda tronca」呢種設計手法, 都係好經典嘅。尾燈同方向指示燈都用咗復古嘅圓形設計, 從後面睇都同S660完全唔同風格。
唔只外型設計。性能方面都認真開發
製作呢部S660 Neo Classic零件嘅係HONDA子公司—HONDA ACCESS, 而佢主要業務係負責HONDA車款設備同零件用品嘅開發, 而唔係單單係改裝嘅車廠。喺嗰度可以調教引擎, 懸吊系統等, 同埋有好多研究車身有關空力性能嘅專家, 係一間專業嘅汽車開發公司嚟㗎。
要將車身外型「可愛化」睇落好似好簡單, 如果淨係考慮改變車形, 咁會增加 空氣阻力, 空氣流動會變得差, 性能隨之亦會下降。不過, 設計S660 NEO Classic時有好好兼顧埋空氣阻力嘅特性, 所以安定性係好出色嘅。直線行駛同性能方面都比原本嘅更進一步。唔只可愛, 駕駛部車時都可以行得好好, 都係呢部車嘅特徵。
呢部S660 NEO Classic嘅零件精緻到好似當做手工藝品咁去生產, 所以成本變得非常高。S660車身加上零件費就已經要129萬6千日圓。仲要加埋組裝同上色又要再花大約80至90萬日圓添。如果將新車改裝變成NEO Classic, 總共可能要花成400萬日圓以上㗎!不過實際上, 想要一部又快, 又輕盈小巧, 又「kawaii」嘅跑車嘅人都似乎唔少㗎喎。俾著係你, 又會唔會想試吓揸呢部車呢?
Comments