宇登呂地區位於北海道嘅東北部。宇登呂呢個名源自於阿伊努語「uturu-ci-kus-i」，意思係「而家我哋所穿越嘅地方」或者「我哋當時所穿越嘅地方」。
宇登呂區
人口密度低，只有大約一千人左右嘅宇登呂，由於其著名嘅溫泉、KamuiWakka溫泉瀑布，以及被列為聯合國教科文組織世界遺產嘅知床五湖等自然景觀，因此吸引咗好多遊客。
步行到宇登呂岬，可以欣賞到大型哥吉拉岩嘅壯麗景色。岩石下方有一間氣氛輕鬆嘅小餐廳—「宇登呂漁協婦人部食堂」，並以合理嘅價格提供新鮮海鮮。價位大約1,000円至1,500円之間。
相關資訊
- 名稱: 宇登呂漁協婦人部食堂
- 地址: 北海道斜里郡斜里町宇登呂東117
- 交通方式: 從JR釧網本線知床斜里站搭車約50分鐘
宇登呂嘅酒店
喺宇登呂附近最受歡迎嘅景點之一係知床國立公園。知床呢個名稱可以追朔自阿伊努語「sir etok」，意思係「地球嘅盡頭」。
入住宇登呂地區嘅酒店，可以更方便咁前往國家公園，並欣賞溫泉美景。
保恩之家旅館位於宇登呂北部，係一間經濟旅館，近知床國家公園，附近仲有餐廳。宿舍型房間每晚約4,350円。
如果想從溫泉區欣賞美麗景色，知床諾貝爾酒店係一個經濟實惠嘅住宿地點。每晚約18,000円。
相關資訊
- 名稱: 保恩之家旅館
- 地址: 北海道斜里郡斜里町宇登呂東217
- 交通方式: JR知床斜里站搭乘巴士約50分鐘。
相關資運
- 名稱: 知床諾貝爾酒店
- 地址: 北海道斜里郡斜里町宇登呂東3
- 交通方式:
- 距離知床世界遺產中心僅有5分鐘步行路程。
- JR知床斜里站乘搭巴士50分鐘。
- 從女滿別機場乘搭開往宇登呂溫泉嘅Airportliner巴士(約140分鐘)，喺宇登呂巴士轉運站落車後步行約3分鐘。
宇登呂溫泉
宇登呂溫泉嘅來源係融冰同地下溪流。溫泉水略帶鹼性，對皮膚溫和。享受溫泉嘅同時仲可以欣賞自然環境中嘅花卉、樹木同藍天。浸溫泉嘅時候，甚至可以眺望鄂霍次克海！
相關資訊
- 名稱: 宇登呂溫泉
- 地址: 北海道斜里郡斜里町宇登呂香川
- 交通方式: 從女滿別機場乘坐知床機場巴士前往宇登呂溫泉區。一日車票3,300円。雖然提供巴士服務，但我哋建議租車比較方便。
Comments