名古屋有各式各樣吸引人嘅手信。名古屋車站附近有多間商店，購物非常方便。今次小編要為大家介紹一啲具代表性嘅名古屋手信，例如係經典嘅甜點同當地商品。
名古屋車站周邊
名古屋站附近有多間商鋪，方便大家購買手信。
GRAND KIOSK 名古屋
名古屋車站嘅「GRAND KIOSK名古屋」有大約250種名古屋手信。
名古屋嘅一啲經典紀念品包括ゆかり蝦仙貝、小倉紅豆吐司夾心餅乾 ，呢種餅乾唔單止包咗朱古力，仲會有小倉紅豆泥餡。 喺車站附近有多間百貨公司，可能好難決定行邊一間好，但如果購物時間有限，嚟呢度就最方便。商店從朝早6:30開始營業。
相關資訊
- 名稱: GRAND KIOSK 名古屋
- 地址: 名古屋市中村區名駅1-1-4 (JR名古屋站中央大廳)
- 交通方式: JR名古屋站內
名古屋土產專賣店Nagomya
如果前往名古屋車站地下街，可以搵到「名古屋魅力發信店鋪Nagomya」，販售各式名古屋甜點、當地特色土產同各種各樣嘅物品。除咗必買手信外，仲有好多獨特嘅商品，例如做成當地美食形狀嘅鑰匙圈等。一於嚟呢度揀個得意有趣嘅紀念品返去啦？
相關資訊
- 名稱: Nagomya (なごや魅力発信ショップ なごみゃ)
- 地址: 名古屋站地下街ESCA
- 交通方式: JR名古屋站
經典名古屋手信
經典嘅名古屋手信包括甜品同工藝品。強力推薦當地嘅特色美食，例如「外郎餅」，一種由米粉同糖製成嘅傳統日本蒸蛋糕，以及寬扁形狀嘅「箕子麵」或「味噌烏龍面」。
傳統工藝品包括製作於名古屋市有松・鳴海地區嘅「有松・鳴海絞染」染布商品，以及常滑市及周圍地區，一種稱為「常滑燒」嘅陶器。呢啲歷史悠久嘅手工藝品係作為紀念品嘅絕佳選擇。
名古屋嘅遊客可能對以名古屋城屋簷上嘅「金色海豚」為模型嘅小雕像，或鑰匙圈等商品感興趣。可以喺名古屋市嘅紀念品店、工藝品商店、機場等搵到呢啲手信！
Comments