大家所居住嘅國家、地區，婚後租屋展開新生活係好常見嘅事？定係，購入新居嘅人佔比較多呢？平均結婚年齡年年不斷上升嘅日本，我哋將為您介紹新婚夫妻嘅住宅相關資訊！實際聽咗日本人嘅聲音，更加可以清楚知道日本生活嘅一切。
通常喺租賃公寓大廈展開新生活
新婚嘅A小姐（32歳、女性）話：「都仲未有太多儲蓄、購買新樓完全無諗過」。愛巢決定咗喺澀谷區、亦即係雙方返工地點嘅中間點、距離車站凈係需要5分鐘。「兩個人成日都要OT、離車站近係首要條件。新生活格局係，租賃大廈，兩房兩廳，一間拿嚟當做臥室，有客廳、廚房、餐廳、1個月嘅房租大概16萬日圓」。房租係兩人平均分攤。雙薪家庭嘅狀況下、平均分攤房租嘅夫婦比較多。
要買新屋，就要先開始存錢！
預計結婚後五年左右考慮購入新居嘅B小姐（35歲）。「毎個月兩人都會籌備一筆買屋基金。當存好一筆夠俾首期、就會去各式各樣嘅樣板屋睇樓」。首期即係、喺簽約買屋嗰陣需要準備總額嘅一部分金錢。凈低嘅錢再向銀行借貸、每月還款、咁嘅購屋形式係比較普遍嘅。
揀選大廈定係獨立住宅，取決於地區！
東京23區同終點站嘅周圍附近地價高騰嘅原因、好多夫妻都寧願購買公寓大廈、而唔係揀選獨立住宅。依據離車站嘅距離同建商品牌等等嘅影響、兩房兩廳嘅房間、市價大概係4000萬~6000萬日圓。另一方面、搭乘電車到23區內，但乘車時間超過1個鐘以上嘅郊外住宅區、地價就相對比較低、購買獨立住宅嘅夫妻都唔少㗎！
Comments