根據2016年人口動態統計表示，日本平均初婚年齡分別為男性31.1歲、女性29.4歲，初婚年齡每年持續上升中。包括結婚條件、希望對象每年收入等等，現時嘅日本人對於結婚到底係抱持著點樣嘅想法呢？而家就嚟為大家解構「日本人嘅結婚觀」啦！
30歲左右嘅未婚女性會自己主動求婚？！
調查結果顯示，約有4成30歲左右未婚女性（※）開始有結婚意識時會「自己主動求婚」，又或「向對方確認是否有意識同自己結婚」。30歲左右嘅女性並非「等待求婚」，而係採取「了解是否有結婚可能性」嘅積極態度。一般人或者會覺得日本女性時常都保持著端莊優雅嘅印象，其實都唔一定㗎！
※參照來源：株式会社明治安田生活福祉研究所於2017年3月、針對全國15～34歲男女，共10,304人進行之「男女交往・結婚相關意識調查」
即使被無打算結婚嘅男性求婚，都唔會分手？！
當被問到「如果被無打算結婚嘅男性求婚，您會點做？」，居然有大約7～8成25～34歲未婚女性受訪者回答「即使無打算結婚都會持續交往」，亦即係喺不被討厭嘅情況下先同男友「保持」交往嘅人佔多數！而當發現有意結婚對象同自己無結婚可能性嘅時候，就會開始重新思考選擇「分手」，日本嘅女性其實都幾識盤算主意呢！
希望結婚對象年薪有幾多？
針對25～34歲未婚女性希望對象最低年薪嘅問題的話，「希望對方有400萬日圓以上年薪」一項選擇中，年收200～300萬日圓以內嘅女性佔56.5％、而年收400～500萬日圓以內嘅女性則佔87％。由此可以發現，此年齡層嘅女性喺傾向自己年薪高嘅同時亦希望對方年薪都要高；另一方面，年薪100萬日圓以下嘅女性當中有約20％表示唔會追求對方收入，由種種分析都可以睇出，「選擇與自己年薪匹配嘅對象」似乎係日本女性最基礎嘅擇偶條件呢！
出處：株式會社明治安田生活福祉研究所「男女交往・結婚相關意識調查」（2017年）
Comments