CEATEC日本：嚟睇睇最新科技同小玩意

作為日本最大嘅IT和電子貿易展覽會，CEATEC日本（最先端電子資訊高科技綜合展）每年十月都會喺千葉縣幕張展覽館舉行。喺呢度可以睇到最新嘅科技、電子小工具，仲可以同好多展品互動!

關於CEATEC JAPAN

CEATEC係為咗幫助展示日本IT基建同電子產品嘅發展而創立。第一屆於2000年舉辦，自此每年十月都會舉行，好多日本公司都會參展發表最新研究概念，展示科技同研發嘅數據將如何影響同塑造我哋未來嘅社會。

成個博覽會基本分成唔同嘅區域。可以接觸到最新嘅小工具、商品，甚至設計原型。區域通常分為：全面解決方案、設備及科技、工業及市場。

此外，呢度有好多展覽都可以互動，例如喺2017年BBC廣播公司嘅記者展示咗一場「與歐姆龍機器人進行一場桌球比賽」。而喺2015年，佢哋推出咗古怪又有趣嘅機器人模型。佢係一個微型機器人，可以當作為電話又可以作為助手。

除咗媒體同業界人士，CEATEC日本亦開放俾一般民眾參觀。所有訪客都需要辦理登記手續及繳付1000円或500円嘅入場費。如果喺展覽會開幕前登記，則費用全免。

CEATEC日本每年都會喺10月舉行4日。第一日只開放俾媒體同業界人士。展覽會喺千葉幕張展覽館舉行，由東京前往最快捷方便嘅交通方法就係乘搭JR京葉線到海濱幕張站，再步行10分鐘即可到達。

CEATEC日本2019將會喺10月15日至18日舉行，早上10:00至下午5:00開放。有興趣嘅話就要留意官方網頁，提前登記獲得免費入場嘅優惠喔!