當您身處日本以外嘅地區時，係咪經常都會覺得好難先可以食到一碗撫慰心靈嘅日本拉麵呢？喺日本國外可以搵到與拉麵最相近嘅，大概就係即食麵吧？不過喺無任何配料嘅情況下，淨係食即食麵又略嫌單調無趣……唔知道您有無諗過其實係可以自己親手做拉麵配料呢？如果您一直都好想試，咁呢篇文章就絕對可以為您生活帶嚟極大樂趣！我哋今次要介紹嘅，就係拉麵最基本嘅配料—日式叉燒嘅食譜。
叉燒
同拉麵一樣，叉燒都可以為多個種類，而且每個人亦各有所好。今次我哋係食譜中所使用嘅，就係比較肥嘅五花肉，不過如果您偏好瘦肉，亦可以改用肩肉。
食材：
1.5公斤五花肉
500毫升醬油
200毫升味醂
200毫升清酒
50克糖
3份碎大蒜
3枝蔥，只取蔥綠部份
3片剝皮並切好嘅薑片
此外您亦需要：
一個深煲、棉線、錫紙、牙籤
步驟：
1. 先用棉線將五花肉捲起，記得過程中要將肥肉部分向外。
2. 倒少少油至深煲內後稍微將肉煎1分鐘。謹記要將有皮一面向下，咁就可以將叉燒煮得更好食。
3. 將所有其他食材放進煲內，確保五花肉完全浸泡於醬油之中，然後轉成中火。
4. 煮滾後轉為細火，放一張錫紙喺表面並開幾個細窿，令料理平均受熱並熬煮4小時。（唔食豬肉嘅話亦可以改用雞胸肉，但熬煮時間只需20分鐘）
5. 用牙籤篤一下五花肉，如果能夠輕鬆篤穿，就表示肉已經煮熟喇！攤凍後，將浸喺醬汁內嘅豬肉放入雪櫃雪一晚。
6. 將雪凍後嘅豬肉拎出雪櫃並用保鮮紙包起後再度將豬肉放入雪櫃，最後您嘅自製日式叉燒就大功告成喇！想食拉麵嘅時候，只需簡單切幾塊放喺麵上就搞掂！
叉燒已經準備好，問題只剩低要配邊一款種麵，或者您又可以選擇配飯或係直接就咁食都得！請好好享用自己親手做嘅叉燒吧！
Comments