京都係深受日本國內外遊客喜愛嘅熱門旅遊勝地。嚟到京都，您除咗可以造訪多個古色古香街道及神社、寺廟等，更可以品嚐到多款道地日本傳統料理！喺呢篇文章內，我哋就要為您介紹5間到京都旅行時絕對不容錯過嘅餐廳，一齊嚟睇下邊幾間榜上有名啦！
壽司祇園松田家
壽司祇園松田家座落於花見小路祇園嘅角落，係一間江戶時代風格餐廳。店內提供嘅漁穫都係直接由築地市場或京都錦市場直送、並無固定菜單，只提供當日最佳出品。嚟到松田家一定要試嘅，就係「魚子醬壽司」，您一定會對呢道菜嘅視覺以及味覺感到驚豔！當然，其他料理都係十分有水準同特色㗎啦！
※餐廳資訊：Sushi Gion Matsudaya (寿し 祇園 松田家)
米芝蓮三星・傳統京都料理：瓢亭
瓢亭係一間歷史非常久遠嘅料亭，約有4百多年歷史。餐廳開業當初嘅時候係一間位處南禪寺嘅茶館，而瓢亭內嘅茅草屋「KUZUYA」，就被用作接待賓客之用、由開店一直被沿用至今。放置於店內嘅明治維新時代名家山形有朋以及品川彌二郎小品、以至玄關茶壺裝飾等等，都顯示出料亭濃厚歷史氣息。店家嘅細緻待客之道以及季節性美食，更係擄獲咗唔少文青、茶友、財政家等各界人士嘅歡心㖭！
※餐廳資訊：Hyotei (瓢亭)
京都魚三樓：豐盛魚鮮料理
自江戶時代建立，至今已有250年左右的歷史了，位於京都的伏見桃山站和桃山御陵前。它是京都最有名的料亭之一，獲得米其林一星的榮譽。
伏見名產為清酒，因此餐廳就選用當地高質水源，令賓客可以享用到每日朝早由市場直送嘅新鮮漁穫並配上明石蔬菜，打造出令人一試難忘嘅懷石料理與伏見清酒嘅黃金組合。
※餐廳資訊：Uosaburo (魚三楼)
壽司「鮨 和魂」
四季酒店於京都東山區2016年10月開幕，周遭鄰近多間寺廟及歷史建築；而「鮨和魂」，就座落於擁有800年歷史嘅池塘花園「池庭」隔離。餐廳由米芝蓮壽司主廚增田勵所策劃，團隊成員位位具備世界級水準，特別係針對正統「江戶前壽司」風格嘅菜單，就更係令到所有客人都有一個難忘飲食體驗。
「鮨和魂」每日只起用築地魚市場最新鮮漁穫奉行「無菜單套餐」主義，由增田主廚選用季節性食材，製作出當日最佳美食及壽司。店內同時亦有多種日本酒及紅白酒可供享用，酒品名單均經由特別精挑細選而成，適合配搭壽司一同享用。結合咗由日本國內工匠打造而成嘅嘆為觀止室內設計、傢俱及藝術品嘅江戶前壽司風格，一定可以為您獻上五感極致體驗。
※餐廳資訊：Sushi Wakon (鮨 和魂)
季節性料理及體驗待客之道，盡在「京料理 祇園 花郷」
京都料理「祇園花鄉」位於指原祇園花見小路上－一個您可能會遇見舞妓或藝妓嘅區域。事實上，喺祇園範圍內您唔容易搵到氛氣氛環境走傳統風格嘅地方享受美食，而「祇園花鄉」，就正正係享用正統京都料理嘅一大推薦食肆。
主廚精選多款當地食材、季節性蔬菜，以及於「京の魚擔」（Katsugi）購入得來嘅新鮮漁穫烹調出頂級季節性懷石料理，以多姿多采嘅料理方式呈現食材本質，保證每款都係震撼閣下嗅覺與味覺嘅精品料理。順帶一提，日本清酒名酒如「伏見」等品牌，亦係十分適合配搭懐石料理嘅選擇。
※餐廳資訊：Gion Hanasato (京料理 祇園 花郷)
Comments