大阪係日本嘅大城市之一，好多人都覺得大阪都只不過係個大城市啫, 有咩咁特別。附近嘅京都都因為美麗嘅城市容貌同悠久歷史而出名添啦。但係咁樣並唔表示你可以忽略大阪，或者認為大阪只係「另外一個大城市」咁簡單。
相反，大阪被認為係全日本最友善、最容易到達，同時亦有各種美食嘅地方。你可以試吓一啲地方美食，例如大阪燒或章魚燒，同時都唔好忘記去遊吓某啲大阪市內嘅最佳景點啊。
大阪有好多值得一遊嘅景點，足以令你花3日2夜去行吓呢個日本最令人surprise(驚奇)嘅地方。
第一日：
大阪生活今昔館（Osaka Museum of Housing and Living）
從大阪最優秀嘅博物館之一「大阪生活今昔館」開展你嘅旅程啦。呢度有展示一啲古建築嘅模型，同西元1603～1867年江戶時代嘅街道，仲有過往大阪嘅生活方式。互動嘅展示方式令參觀嘅來賓都可以觸摸展品，甚至可以體驗著和服。
相關資訊：
網站： http://www.osaka-info.jp/en/facilities/cat1/post_298.html
開放時間：10:00～17:00
公休日：逢星期二（若星期二係公眾假期咁就改為星期三休館）、公眾假期隔日休館（若假日遇星期日同星期一則會開放）、每月第3個星期一（若遇公眾假期則變星期三休館）、年末年始新年假期
門票：600日圓，國中生及以下孩童免費（特別展覽另加收額外門票費用）
Map:
梅田藍天大廈（Umeda Sky Building）
梅田藍天大廈以173公尺嘅高度佇立喺大阪嘅天際線。喺39樓嘅展望台係著名嘅景點之一。除咗可以眺望市景之外，仲有空中庭園可以觀賞。整個庭園嘅位置令佢睇起嚟都好似懸浮喺半空之中一樣。
相關資訊：
Website: http://www.skybldg.co.jp/skybldg/english.html
地圖：
道頓崛（Dotonbori）
下午可以到道頓崛地區。呢度係大阪最多采多姿嘅地區之一，有各式各樣嘅餐廳同酒吧。好多餐廳都有屋頂花園，甚至有埋現場演奏添。
地圖：
第二日：
大阪城（Osaka Castle）
大阪城位於綿延2公里嘅公園內。整個公園以600株櫻花聞名，櫻花季嚟呢度就啱喇。喺被破壞多次之後，大阪城又被重建，係日本嘅代表建築之一。
相關資訊：
網站： http://www.osakacastle.net/english/
開放時間：9:00AM - 5:00PM
公休日：12月28日 - 1月1日
地圖：
大阪海遊館（Osaka Aquarium）
海遊館（Kaiyukan），就即係大阪水族館，位於可以眺望大阪港區嘅天保山。整棟8層樓嘅水族館入面有好豐富嘅海底生物，包括鯨鯊都有。最主要嘅景點係位於館中央嘅9層樓高、佈滿多采多姿海底生物嘅巨大水槽。
相關資訊：
網站：http://www.kaiyukan.com/language/eng/
開放時間：10:00AM - 8:00PM
門票：成人：2300日圓 / 60歲以上：2000日圓 / 7歲～15歲：1200日圓 / 4歲～6歲：600日圓 / 3歲以下：免費
地圖：
心齋橋（Shinsaibashi）
呢一日嘅尾聲，可以去大阪著名嘅購物區：心齋橋盡情血拼購物啦！呢度有好多商場，可以搵到任何你想要嘅嘢，包括服飾、鞋、家飾、手信等。如果想買個紀念品或禮物返去，呢度會係個好地方。
地圖：
第三天：
阿倍野Harukas（Abeno Harukas）
阿倍野Harukas係大阪、都係全日本最高嘅建築物，所以行程入面唔少得佢。58樓有著名嘅咖啡店同展望台，可以見到大阪市區嘅全景。大樓入面有百貨公司、美術館，同埋空中廣場。
相關資訊：
Website: http://www.abenoharukas-300.jp/en/
地圖：
天保山大觀覽車（Tempozan Ferris Wheel
位於天保山嘅大摩天輪同樣都係可以盡覽大阪灣嘅地點。雖然喺倫敦之眼出現之後，天保山大觀覽車已經失去世界最高嘅頭銜，但佢還係個值得一去嘅地方。喺呢度唔單只可以眺望大阪市區，仲可以睇到整個海灣同埋遠方環繞嘅山脈添。
相關資訊：
網站： http://www.senyo.co.jp/tempozan/
開放時間：10:00AM - 10:00PM
門票：800日圓
地圖：
天神橋筋商店街（Tenjinbashi-suji Shopping Street）
長達2公里多嘅天神橋筋商店街號稱係日本最長嘅商店街。呢度各種東西都有，包括服飾、書、鞋、美食，甚係傳統嘅日本食物。如果行街shopping行到攰，呢度都有好多咖啡店、小食檔等等，可以休息食啲嘢再繼續。
相關資訊：
地圖：
Comments