位於長野縣東邊，靠近群馬縣嘅輕井澤町，係日本一個數一數二嘅度假勝地，從東京乘搭新幹線最短只需約1小時即可到達。夏季係避暑勝地，秋季則係賞楓名勝，係一個適合從東京出發作一日遊嘅好去處。
本篇文章中，小編將以JR輕井澤站周邊景點為主，介紹一個全年都可以盡興嘅一日遊行程路線。齊齊跟住小編腳步出發，渡過一整日可感受大自然、藝術和盡情購物嘅歡樂時光吧！
※本文提及的商品及價格（含稅）皆為2023年8月所撰寫文章時資訊。內容或會有所變更，詳情請到各官方網站確認。
從東京去輕井澤的交通方式係？新幹線 VS 高速巴士
若要從東京市區前往JR輕井澤車站附近，乘搭新幹線或高速巴士都非常方便。由於唔同嘅交通工具所需時間、費用以及上車地點都各有不同，請根據個人需求選擇最適合自己嘅交通方式。
新幹線 （北陸新幹線「白鷹號」、「淺間號」）*1） | 高速巴士 | |
| 上車地點 | JR東京站、JR上野站 | ①JR池袋站、新宿高速巴士總站等東京都內各處巴士站（西武觀光巴士、千曲巴士） ②JR澀谷站等東京都內各處巴士站（由西武巴士、京王巴士、「東急TRANSSÉS」、上田巴士四間公司共同運行） |
| 所需時間 | 約60～80分鐘 | ①【從JR池袋站出發】約2小時50分鐘 ②【從JR澀谷站出發】約3小時20分鐘 |
| 費用 | 【自由座位一般價格】5,490日圓 【指定座位一般價格】6,020日圓 【緣色車廂（特等車廂）一般價格】8,290日圓 | ①【普通車廂】2,300日圓～2,900日圓 ②【普通車廂】3,300日圓或3,500日圓 ※根據季節、運行日期和使用路線，票價可能有所不同 |
*1：特別急行列車「光輝號」只停長野站，不停輕井澤站
💡旅遊Tips：
如果計劃乘坐新幹線，請考慮購買「JR TOKYO Wide Pass」 （成人：10,180日圓，小童：5,090日圓 *2），係專為訪日外國遊客而設嘅鐵路周遊劵。使用「JR TOKYO Wide Pass」的話、從東京都內至輕井澤所經嘅車站路段，可以連續三日無限次數乘搭包含新幹線在內和其他指定區域內嘅列車（可使用嘅鐵路公司和路線請參閱官方網站），相當划算！
*2：從2023年10月1日起，成人價格將調整為15,000日圓，兒童價格將調整為7,500日圓
JR輕井澤站周邊一日遊行程推薦
輕井澤可享受大自然、藝術以及購物等多種樂趣嘅好地方。以下落嚟，小編將從JR輕井澤站步行或租單車出發，同大家分享可一口氣巡遊5景點嘅一日遊行程推薦！
特別喺爽朗嘅夏季、秋季，你可以一路漫步輕井澤，一路欣賞當地美麗街景。
出發一日遊 @ JR輕井澤站
↓👣約20分鐘
景點① 雲場池
↓👣約20分鐘
景點② 舊輕井澤銀座通
↓👣約10分鐘
景點③ 輕井澤蕭紀念禮拜堂
↓👣約18分鐘
景點④ KARUIZAWA NEW ART MUSEUM
↓👣約15分鐘
景點⑤ 輕井澤王子購物廣場
↓👣約3分鐘
終點 @ JR輕井澤站
💡旅遊Tips：
JR輕井澤站周邊有多個提供單車租借服務嘅店鋪。如果即日歸還，普通單車嘅租借價格大約每日1,500日圓左右。亦有部分地方可以租借電動助力車，一日嘅費用大約2,000日圓左右，推薦大家踩單車，可全日舒適地四處移動啊。
輕井澤一日遊行程推薦景點1：雲場池
💡估計所需逗留時間：約30分鐘
被稱為「天鵝湖」嘅「雲場池」，係輕井澤嘅代表性風景名勝地，每當日本皇室造訪輕井澤時，都會必定停留於此地散步。
池塘周圍約有1公里嘅散步道。春季新綠、夏季深綠，秋季有染上金黃色嘅落葉松和紅葉等，不同季節都能欣賞到各種美景。行一圈大概需要15到20分鐘，建議邊行邊於長凳上休息，預留約30分鐘時間喺度悠閒散步。呢度可以欣賞到豐富嘅大自然風景，以及倒映於水面上嘅樹木等迷人景色，記得喺度搵個心儀嘅角度影張打卡相吧。
- 地址：長野縣輕井澤町雲場池
- 交通：從JR輕井澤站步行約20分鐘
輕井澤一日遊行程推薦景點2：舊輕井澤銀座通
💡估計所需逗留時間：約2小時
全長約750米嘅街道上，擁有多間時尚咖啡店、手信舖嘅「舊輕井澤銀座通」。自1888年以來，一位加拿大宣教師喺因宿場町（*2）而繁榮嘅輕井澤建立別墅後，多位外國人和知名人士亦開始喺度建造別墅，促成商店街嘅發展。
*2：江戶時代，擁有整頓好嘅道路，並匯集住宿設施和餐飲店等嘅城鎮。
舊輕井澤銀座通上有多間適合午餐和逛街嘅推薦店鋪，以及具有特色菜單嘅店家。特別有三間極受遊客喜愛嘅店舖，以下落嚟小編將為您逐一介紹。
| 店舖名 | 名物菜式 | 金額 |
| Paomu Karuizawa | 使用品牌蛋黃、北輕井澤高原牛奶和特選鮮奶油製作而成嘅「輕井澤布甸」 | 486日圓 |
| 輕井澤「Kitchen Rotary」店 | 香料適中，炸得酥脆嘅「三笠酒店咖喱麵包」 | 360日圓 |
| 白樺堂 舊銀座本店 | 使用大量牛油和杏仁粉製作嘅「輕井澤撻」。連續10年獲得「Monde Selection」（世界食品品質評鑑大賞）金獎 | 130日圓 |
另外，仲有超過百年歷史嘅老字號相舖，以及以「Mocha」雪糕聞名嘅咖啡店，非常適合四周遊覽建築物或逛街時抽空品嘗美食，或者入手當作當地手信！
- 地址：長野縣北佐久郡輕井澤町輕井澤
- 交通：從JR輕井澤站步行約20分鐘
- 官方網站：http://karuizawa-ginza.org/
輕井澤一日遊行程推薦景點3：輕井澤蕭紀念禮拜堂
💡估計所需逗留時間：約30分鐘
「輕井澤蕭紀念禮拜堂」係輕井澤最古老嘅教堂，位於穿越舊輕井澤銀座商店街後嘅樹叢中。經過多次擴建和改建，於1922年變成現時模樣。隨後，教堂不時會進行修復工作，致力維持昔日美麗模樣。
教堂於白天時段全年開放，大家可以入內參觀。呢間位於樹叢中嘅禮拜堂亦係一個人氣影相勝地。
- 地址：長野縣北佐久郡輕井澤町大字輕井澤57－1
- 交通：從JR輕井澤站乘坐草輕交通巴士或西部高原巴士，喺舊輕井澤巴士站落車，步行約10分鐘即可抵達。
輕井澤一日遊行程推薦景點4：KARUIZAWA NEW ART MUSEUM
💡估計所需逗留時間：約1小時～1.5小時
由建築師西森陸雄設計，以全玻璃外觀為主嘅「KARUIZAWA NEW ART MUSEUM」仿照落葉性針葉樹中嘅日本落葉松樹林而建造嘅白色柱令人留下深刻印象。該博物館主要收藏品包括草間彌生、奈良美智等日本優秀藝術家嘅作品，以及一系列具有創新視角嘅展覽，包括國際藝術家嘅作品。一樓展廳舉辦常設展，過去已輪流展覽草間彌生、岡本太郎等嘅收藏品。
2樓美術館除咗有展示「Philip Colbert展」（2022年11月至2023年9月舉辦）中嘅繪畫、雕塑和數碼作品等藝術作品，更加係日本美術館首次舉辦新進海外藝術家嘅個展。未來亦有計劃舉辦國內外現代藝術展覽會。
博物館嘅戶外常設展示中，有一對紅白相間嘅心形雕塑「心靈之門」（こころの門，左圖）由Jean-Michel Othoniel創作，以及建築師隈研吾設計嘅「白樺森教堂」（風通る白樺と苔の森＜チャペル＞，右圖）等地，亦係影相打卡嘅好地方（參加教堂導覽即可入內參觀）。
- 地址：長野縣北佐久郡輕井澤町輕井澤1151-5
- 營業時間：10:00～17:00（7月～9月延長至18:00）
- 交通：從JR輕井澤站步行約8分
- 官方網站：https://knam.jp/
輕井澤一日遊行程推薦景點5：輕井澤王子購物廣場
💡估計所需逗留時間：約3小時～半日
位於輕井澤站南口前嘅「輕井澤王子購物廣場」由8個購物區域組成，約有240間商店，除咗知名品牌嘅「Outlet」店和專門店之外，仲有「草坪廣場」以及充滿兒童遊樂設施嘅室內外區域，小朋友可以喺度盡情玩樂，父母們亦可趁機輪流購物、和小朋友嬉戲等，相當過癮！呢度係一個大人小朋友都可以盡興嘅好地方。
涵蓋類別與代表店舖
- 運動及戶外用品：PUMA
- 生活雜貨和趣味雜貨：PLAZA OUTLET
- 時尚潮流及精品雜貨：CA4LA、G-SHOCK
- 鞋和袋：VANS
- 服務：namco遊樂場（Chara Pop Store NAMCO）
購物行程結束後，可以去美食廣場「FOOD COURT」（左圖）嘅餐廳享用適合家庭聚餐嘅晚餐！回程時喺手信區域「SOUVENIR COURT」（右圖）購買輕井澤嘅手信。購物途中可以嘆返杯咖啡休息片刻，非常推薦您喺度行足成日啊！
- 地址：長野縣北佐久郡輕井澤町輕井澤
- 營業時間：10:00～20:00（根據季節有所變動）
- 交通：從JR輕井澤站步行約3分鐘
- 官方網站：https://www.karuizawa-psp.jp/
將旅程從JR輕井澤站延伸至中輕井澤或輕井澤星野地區吧！
雖然專注於JR輕井澤站周邊嘅觀光行程，已經可以玩足全日，但如果計劃進行一個2日1夜嘅觀光旅程，建議可擴展至信濃鐵道線中輕井澤車站，同埋以星野溫泉為首，仲有擁有多間商店和餐廳嘅楡樹街小鎮（ハルニレテラス）等可以玩足成日嘅輕井澤星野地區，令您嘅旅程更加充實！
Comments