【食譜影片】超吸睛！日本人氣「免捏炸彈飯糰」食譜大公開

講到日本人嘅國民食物，大概非飯糰莫屬。飯糰勝在單手就可以拎住，去到邊都方便食用，無論係早餐、便當菜式都「老是常出現」，亦係便利店王牌商品之一。

口感香脆嘅紫菜，配搭上圓潤飯粒與各種不同食材所製作嘅飯糰，除咗紅遍日本之外，喺海外亦相當受歡迎。飯糰雖然方便食用又容易整，但係有唔少人都會苦惱「自家製嘅飯糰口味，整嚟整去都係嗰幾款…？」

今日就要同大家分享，最近日本師奶界嘅人氣熱話—就算零廚藝都可以輕鬆完成嘅「免捏炸彈飯糰」食譜！簡單易整之餘，賣相仲夠晒吸引，下次不妨跟住以下食譜整返個不一樣的飯糰啦！

日本人氣「免捏炸彈飯糰」材料（1個份量）

• 紫菜 1塊
• 白飯 100g
• 蛋黃醬 適量
• 半熟雞蛋 1個
• 煙肉 3塊
• 鹽・胡椒 適量
• 紅生菜 4塊
• 椰菜 適量
• 紅蘿蔔 適量
• 水 1湯匙

*配料可以隨意配搭，不妨揀幾款鍾意嘅蔬菜或肉類一齊fusion，創造一款屬於自己嘅飯糰吧。

日本人氣「免捏炸彈飯糰」製作方法

1. 將紅蘿蔔切成細絲，放入耐熱容器。倒入水（1湯匙）用微波爐（600w）加熱1分鐘後，加入鹽與胡椒粉攪拌均勻。
2. 將椰菜切成細絲，加入鹽與胡椒粉攪拌 均勻。
3. 於碗上放上保鮮膜後，再放上紫菜。
4. 放上白飯50g，整體均勻推開。
5. 按照順序放上以下材料，紅生菜2塊、椰菜、蛋黃醬、半熟雞蛋1個、蛋黃醬、紅蘿蔔、煙肉3塊、紅生菜2塊、白飯50g。
6. 用保鮮膜包好全體。
7. 放置10分鐘左右，用菜刀喺中間切一半就完成。