日本環球影城與人氣動畫《鬼滅之刃》聯乘活動正式登場，於2021/9/17～2022/2/13推出期間限定VR設施「鬼滅之刃 XR Ride」以及一系列周邊。雖然疫情關係暫時仲未有得親身飛日本，但係咁用心嘅造型食物，齋係得個「睇」字都叫人睇得相當興奮啊！
鬼滅之刃 XR Ride
「鬼滅之刃 XR Ride」係USJ推出透過虛擬實境技術（VR）配搭刺激過山車嘅設施，等大家有機會享受當上鬼殺隊樂趣並與炭治郎一齊並肩作戰。乘客可以身歷其境睇到到炭治郎使出「水之呼吸」，甚至仲有煉獄杏壽郎戰鬥場面！
好萊塢美夢乘車遊
原本USJ嘅人氣設施「好萊塢美夢乘車遊」亦特別換上鬼滅之刃樣式，預計推出兩波故事，第一波為2021/9/17～11/7，第二波為2021/11/8～2022/2/13，鬼滅粉絲絕對不能錯過啊！（一齊集氣快啲可以通關！）
禰豆子爆谷桶
大家去USJ都必買嘅造型爆谷桶，今次又點少得限定全新款式「禰豆子爆谷桶」！禰豆子匿藏喺木箱內超級可愛，背帶係黑綠相間羽織模樣，爆谷則係蜂蜜梅子口味，酸甜風味同禰豆子超級夾！就連販賣爆谷嘅攤位都被改造成鬼滅風，真係超級用心！
味自慢浪花駅
爆谷以外，仲有多款可以喺USJ內購買嘅造型美食畀大家向拼個夠。例如「味自慢浪花駅売店」就模仿鬼滅風格，內有模仿炭治郎日輪刀造型嘅黑色Churros；善逸喺那田蜘蛛山篇內嘅治療造型則被做成牛奶焦糖銅鑼燒；而伊之助豬豬造型更被做成饅頭！
© 妞新聞 www.niusnews.com
Comments