全日本最高嘅步行大吊橋「九重“夢”大吊橋」位於日本大分縣九重町，全長390米、總高173米。「九重“夢”大吊橋」曾經係日本最長嘅步行大吊橋，雖然2015年12月14日位於靜岡縣三島大吊橋(長400米)開通後。「最長」紀錄已被打破。不過「九重“夢”大吊橋」目前仍然係日本最高嘅步行大吊橋，依然相當值得一到！遊客企喺橋上面，可以欣賞到「九醉溪」、「震動瀑布」等優美景色，九醉溪更加係九州紅葉知名景點，有機會喺秋天紅葉季到此一遊嘅話，即可以欣賞到大片錦繡紅葉美景！
傲居日本第一高嘅行人專用吊橋
「九重“夢”大吊橋」橫跨大分縣西部玖珠郡九重町鳴子川溪谷兩旁，架於海拔777米高之處，高173米、闊1.5米、長390米，並於2006年10月完工。「九重“夢”大吊橋」嘅主要鋼索有7條，每條粗5.3厘米，耐重承載高達1800人。就算同時間有1800位140磅嘅成人同時行上橋都唔成問題！而且「九重“夢”大吊橋」喺建造嘅時候，就更加以高防御標準打造，可以抵擋時速65米強風與震度7級地震，相當堅固。
「九醉溪」、「震動瀑布」壯觀景色就在眼前
置身於「九重“夢”大吊橋」上，您可以飽覽到眼前360度壯觀景色，美不勝收！身處空中吊橋上，眼前景色如幻似真，不但可以遠眺著名「日本瀑布百選」之一嘅「震動瀑布」，亦可以欣賞高低落差有成83米嘅雄瀑以及高低落差93米嘅雌瀑，仲可以清晰地望見兩條瀑布沿著山壁直瀉而下，一幕又一幕震撼到令人腳軟嘅動人景緻映入眼簾，絕對係其他地方難以體驗得到嘅難忘經歷。另外，眼前九醉溪谷旁邊嘅山坡亦有一大片廣闊嘅落葉林，內裡種有日本冷杉、日本南部鐵杉、楓樹等，亦係九州地區屈指可數嘅紅葉景點。
過橋嘅時候，有兩大點記得要注意：一就係為咗避免人來人往嘅堵塞與衝突，請記得要靠左行；二就係由於大橋步道使用網格狀金屬板，因此記得唔好著幼踭高踭鞋過橋。過橋時好好遵守以上兩大點注意事項，就可以更加盡情自在地享受眼前美好景色啦。
營業時間與門票
門票：中學生以上 500日圓、小學生 200日圓、未滿小學生 免費
營業時間：08：30～17：00（1月〜8月、11月〜12月）、08：30〜18：00（9月〜10月）
定休日：全年無休（但遇天候不佳等狀況，有可能實施人流管制，限制進場人數）
九重“夢”大吊橋交通方式
- 自駕：從大分高速公路九重交匯處至國道210號，經由縣道40號線即可抵達
- 巴士：乘搭高速巴士「由布院號」九重交流道落車，喺九重交流道搭社區巴士至「大吊橋中村口」落車
同場加映：距離「九重“夢”大吊橋」約10～30分鐘車程，亦有多個旅遊景點，例如獲列入《拉爾薩姆濕地公約》嘅「蓼原濕原」、可以體驗蒸汽瀰漫與熱泥噴出嘅景況「小松地獄」、連接別府與阿蘇嘅山並公路（大分）山頂「牧之戶峠」，仲有高低落差20米、闊40米嘅兩段式「龍門瀑布」等。體驗完驚險刺激「九重“夢”大吊橋」之後，可以順便去埋以上講到嘅幾個景點，出發一趟九重山自然之旅喔。
Comments