【日本沖繩】基本資訊至達人必知重點一次公開！沖繩之旅玄關口「那霸機場」完整介紹

位於沖繩縣那霸市嘅那霸機場，係沖繩來往各地嘅航空玄關口。無論係國內線，定係國際線航班，每日都有非常多乘客乘搭。今次呢篇文章內，FUN! JAPAN編輯部唔單只會介紹那霸機場嘅基本資訊，仲會有達人必知重點，一次過通通話您知！

關於那霸機場

那霸機場距離那霸市市區約6公里遠，每日起飛降落嘅航班除咗會飛往日本各地，仲會連接韓國、中國、台灣、香港等亞洲各國。

提到那霸機場，重點必提國際線2F中央嘅「迎賓大廳」。總面積約1500平方米嘅場內經常會舉辦活動，巨大寬敞通風空間內洋溢一片南國熱帶風情氣氛。另外，面向飛機跑道嘅方向，仲可以望到飛機起飛降落，遠望慶良間諸島呢。

國內線航廈：1樓為抵達大廳，2樓為出發大廳以及沖繩都市單軌電車聯絡通道，3樓為報到櫃檯，4樓為餐廳樓層。

國際線航廈：1樓為抵達大廳，2樓為出發大廳，3樓為入境審查區域以及餐飲食肆，4樓為祈禱室與觀景台。

那霸機場主要餐廳與商店 

國內線航廈、國際線航廈裡面有多間餐飲手信店舖，提供沖繩料理以及沖繩手信。無論係旅程最後一站，抑或係等轉機時打發時間，都非常推薦去行個圈喔。

國內線航廈

• 1樓：蕎麥店 琉風（沖繩麵專賣店）、機場食堂（沖繩料理）等等
• 2樓：Senka（餅乾零食等）、Haibi商店（沖繩限定吉祥物等周邊商品）、國際珊瑚（特色飾品等）等等
• 3樓：TULLY'S COFFEE（café）、IMAGE（腳底按摩）等等
• 4樓：琉球迴轉壽司 海來（壽司）、丼飯的店 志貴（沖繩料理）、琉球村（沖繩麵）等等

國際線航廈

• 1樓：LAWSON（便利商店）
• 2樓：HabuBox（T-shirt・雜貨小物）、Dear Okinawa,（雜貨）等等
• 3樓：Steak House 88 （牛扒）、和食與沖縄料理 ADAN（沖繩料理）、SnowLagoon IceCream Cafe&sweets（雪糕）等等
• 4樓：御殿山（沖繩麵）、porktamago（輕食）等等

那霸機場服務

那霸機場為旅客提供多項服務，以下例子只係其中一部分。

1. Wi-Fi上網熱點/館內全範圍（除部分區域）提供免費無線上網。一樓服務台與2樓電梯附近，設有投幣式手機充電服務。
2. 1F・2F（登機候機室內）3F廁所附設哺乳室，設有尿布台（換片板）、調乳器等等育嬰哺乳設備。
3. 遊客資訊諮詢辦公室/1F抵達大廳內，設有遊客資訊諮詢辦公室，提供觀光資訊及地圖。

遊日達人必知重點

入境大堂A側（JAL側）、B側（ANA側）兩個地方設有大水池，由沖繩人氣旅遊景點「沖繩美麗海水族館」負責管理，遊客可以觀賞到各式各樣嘅熱帶魚。而國內線航廈3樓、國際線航廈4樓嘅參觀觀景台，亦歡迎免費入場，可以盡情欣賞飛機升降！

景點資訊

• 名稱：那霸機場
• 地址：〒901-0142 沖繩縣那霸市鏡水150
  
• 官網：https://www.naha-airport.co.jp/zh-hant/