熊本熊唔單只係日本家喻戶曉人氣吉祥物，就連喺海外都擁有超高知名度。自問係部長粉絲嘅您，就一定唔可以錯過熊本縣「熊本熊廣場」（くまモンスクエア）！場內除咗可以實際見到熊本熊本尊外，內裡仲設有熊本熊辦公室、販售原創周邊商品以及café！下次去熊本，就由部長為您嘅熊本之旅增添難忘回憶啦～
「熊本熊Kumamon」知多啲！
熊本熊性格鍾意惡作劇、和藹可親，擁有一身黝黑又有光澤嘅皮毛，臉頰又紅又圓兼擁有一對垂直長長瞳孔，重點是微胖身材超kawaii，難怪粉絲遍佈全球各地！部長本身職業為公務員，自2010年3月出道擔任熊本縣宣傳大使，被任命為熊本縣營業部長兼幸福部長，日常「公務」主要為負責熊本縣宣傳活動。
熊本熊活動據點「熊本熊廣場」
「熊本熊廣場」係一間位於熊本縣熊本市市中心嘅設施，主要服務內容為宣傳熊本縣觀光以及物產資訊。此地唔單只係熊本熊返工嘅地方，場內亦附設café與販售手信及熊本熊相關周邊商品。
參觀熊本熊營業部長辦公室
即使熊本熊部長因公務繁忙而無法現身，熊本熊營業部長辦公室亦歡迎各位遊客進內參觀。辦公室內擺有多個獎盃、獎狀，您仲可以坐喺熊本熊部長座位上打卡影相留念呢！
熊本熊大show舞技交流空間（舞台）
遇上熊本熊部長有返工嘅日子，仲會向各位支持者大show舞技！表演時間一到，熊本熊就會現身於交流空間（舞台），走上舞台大跳獨特舞蹈。想要喺交流空間邂逅熊本熊的話，記得要事先上官網確認相關行程喔。
・查詢熊本熊行程☞「熊本熊廣場」官方網站（英文）
熊本熊粉絲必買！琳瑯滿目原創周邊商品
周邊商品賣場販賣清一色熊本熊相關文具用品、餐具、餅乾零食等，以及僅此一家嘅限定周邊商品，種類非常豐富！另外，您亦可以喺到搵到包裝上印有熊本熊圖案嘅熊本縣特產，非常適合買作手信送畀親朋戚友。店內設有一間小小café，提供熊本產水果製作嘅甜品、熊本熊拉花咖啡等美食。
各位熊本熊粉絲，下次去熊本旅行時，您知應該點做啦～？
Comments