「和菓子（Wagashi）」一詞，正如字面上所指「WA（和，即日本）」＋「GASHI（菓子，即糖果）」。和菓子色彩鮮豔，外觀美麗，展現櫻花等春夏秋冬嘅特色，相當吸睛。究竟和菓子嘅起源係咩呢？係由咩材料製作而成？如何能美味品嚐和菓子？等小編逐一為您詳盡解答，與和菓子相關嘅疑問。
和菓子起源、歷史
據說和菓子誕生於數千年前嘅繩文時代，最早出現嘅係麻糬。古代人將樹果乾燥保存，或研磨成粉末去除苦味，再將其加熱成糰狀，製作出麻糬。約公元934年嘅古書中，亦有關於麻糬嘅描述，麻糬當時係使用高價嘅米，為神明製作嘅供品，被視為非常神聖嘅食物。以上就係被稱為日本最古老嘅加工食品「麻糬」嘅誕生之說。
其後，和菓子受到茶道文化發展、與唐朝交流接觸等影響，其製作方法和技術亦逐漸進化。隨著時代變遷，使用上各種不同材料，加工技術亦不斷提升，產生出高品質且外觀悅目嘅和菓子。
順帶一提，日文中「菓子」一詞嘅起源，被認係源於古代人喺食物不足嘅情況下，於飢餓時摘取並食用「樹果」和「果物」嘅舉動而來。對於缺乏食物加工技術嘅古代人而言，果物等甜味係格外特別，因此與主食有所區別。
和菓子中最常用材料係？
和菓子中最常用嘅材料係豆沙（あんこ）餡。將豆類磨成糊狀，並加入甜味料調味所製作而成。喺多款豆類材料中，「紅豆（あずき）」可謂和菓子中，最不可或缺嘅材料。
除此之外，糯米等穀物和寒天，亦係和菓子製作中常見嘅代表性材料。寒天係一款經煮溶後凝固，具彈性口感嘅材料。另外，和菓子通常以與日本四季相關嘅形狀和材料去製作，因此常使用當季水果，特別係栗子和柿，經常被用作為製作材料。桃、梨、蜜柑、梅等則常被使用其形狀或香氣來進行製作，巧妙地運用各種具季節色彩嘅相關元素。
日本和菓子的種類
以下落嚟會介紹和菓子嘅種類。和菓子大致可分為生菓子、半生菓子、乾菓子3種。小編將介紹喺呢3種和菓子中，經常出現喺手信舖、和菓子店嘅款式。話唔定喺小編所介紹嘅和菓子中，有你曾見過或品嚐過嘅和菓子呢！
和菓子種類：麻糬（もち）
麻糬係一種以米粉（如糯米和糙米）、葛粉或者蕨粉等澱粉為主要原料嘅生菓子。麻糬有著綿密口感，深受歡迎。當中，有季節限定嘅「草餅」和「櫻餅」，以及「大福」等，包裹著豆沙或其他餡料嘅麻糬，亦有「外郎餅」等無包餡料嘅麻糬
和菓子種類：饅頭（まんじゅう）
日本「饅頭」係一種用小麥粉、米粉、蕎麥粉等製成嘅皮（生麵糰），包裹著餡料，然後經過蒸或烤所製作而成嘅點心。一般可以分為「烤饅頭」和「蒸饅頭」兩種類型，全國各地都有著各種不同款式嘅當地特色饅頭。
和菓子種類：最中（もなか）
最中係一種將糯米麵糰壓薄後放入模具中，夾入餡料嘅和菓子。當中，亦有以吉祥物為造型嘅「最中」，係慶祝場合中受歡迎嘅和菓子之一。
和菓子種類：羊羹（ようかん）
羊羹有3種，分成將紅豆餡、砂糖、寒天煮熬後，放入模具中凝固而成嘅「煉羊羹」，水量較多嘅「水羊羹」，不使用寒天，而係加入小麥粉或葛粉後蒸至凝固嘅「蒸羊羹」。經常被用作慶祝場合中嘅禮品。
和菓子種類：煎餅
和菓子中除咗有之前介紹嘅甜味款式之外，亦有帶鹹味嘅和菓子。「煎餅」係以蒸熟嘅粳米為原料，將其搓成薄而平嘅形狀後，用鹽或醬油調味後烤或油炸而成。煎餅係由米製成嘅一種米菓，而以糯米製成嘅米菓則被稱為「霰餅」（又叫雪餅）或「御欠」（又叫欠餅）。
完美配搭和菓子的飲品
正如甜美嘅西式糕點搭配苦澀嘅咖啡，朱古力配上威士忌或紅酒，和菓子都有合適嘅飲品搭配組合，有機會嘅話記得要嘗試一下，尋找「你想」嘅最佳組合。
重點1：根據和菓子不同種類，所配搭的茶亦有所不同
甜度高、口感黏膩嘅生菓子，適合搭配濃郁嘅日本茶。特別係抹茶和高雅嘅玉露綠茶，就最合適不過！
而對於帶有醬油香氣嘅煎餅或烘焙點心，推薦搭配香氣濃郁、口感豐厚嘅番茶！
如果係萩餅或大福等具有濃厚質感嘅麻糬菓子，清爽嘅焙茶、低苦澀嘅錫蘭茶或阿薩姆茶，就最適合不過。
重點2：豆沙餡和煎餅搭配上美酒，可謂最佳拍擋！
應該唔少人都知道，正如朱古力經常搭配威士忌或紅酒，但甜品和酒被稱之為最佳組合，就好少人知道！其實和菓子與酒嘅搭配亦同樣出色喔。特別係具有濃厚甜味嘅豆沙餡，非常適合搭配美酒享用，尤其係辛口純米酒被認為係豆沙餡嘅最佳配搭。另外，小編亦非常推薦配甜味濃郁嘅白蘭地、紅酒，以及使用黑糖製作嘅黑啤酒一同享用！至於鹹味較重嘅米菓如煎餅，就非常適合配啤酒享用。
睇完呢篇文章覺得點呢？下次去日本旅行時，記得參考本篇文章內容，嚐遍各種和菓子嘅美味啦！
Comments