為慶祝多啦A夢50周年紀念大電影《STAND BY ME 多啦A夢2》上映，日本環球影城現正期間限定推出主題樂園史上首個與多啦A夢合作嘅機動遊戲—「《STAND BY ME 多啦A夢2》 XR RIDE」並同期發售多款精品及美食，慶典活動一浪接一浪！
喪玩！機動遊戲《STAND BY ME 多啦A夢2》 XR RIDE
今次合作最曯目嘅，非日本環球影城史上首個以多啦A夢為主題嘅機動遊戲「《STAND BY ME 多啦A夢2》 XR RIDE（《STAND BY ME 多啦A夢2》 XR乘車遊）」莫屬。機動遊戲為記念《STAND BY ME 多啦A夢2》電影而設，乘客將會乘坐「VR過山車」，以五官體感一趟圍繞大雄長大成人、為出席靜香婚禮而到未來參加時空旅行團嘅故事。
旅途中您會戴上XR眼鏡、穿梭於過去、現在與未來之間，一時遇上古代恐龍、一時到達未來都市，並感受過山車疾走時嘅強風與升降離心力，充滿視覺聽覺享受！而且VR影像故事獲得《STAND BY ME 多啦A夢2》電影導演與電影製作團體負責監督，大雄一角同樣由戲中聲演大雄嘅妻木夫聰擔任，陣容相當鼎盛時內容亦緊扣電影故事緊，真．粉絲實在係兩邊都不容錯過！
喪食！多啦A夢主題料理小食
當您仲回味梗感動又驚險嘅過山車之旅時，下一站就建議您到Studio Stars Restaurant（影城巨星餐廳）醫肚！共3款主題料理同樣以電影為設計藍本，例如有以大雄靜香婚禮為概念嘅「多啦A夢 主菜盤」、重現多啦A夢穿過「穿透環」一幕嘅「多啦A夢穿透環蛋糕」以及放有竹蜻蜓、時間布等百寶袋道具嘅「多啦A夢兒童餐」。（順序由左至右）
小食方面，必買手信之一嘅爆谷桶亦換上裡面裝有「銅鑼燒」風味爆谷嘅多啦A夢造型，機器貓仲拎住隨意門大擺pose𠻹！同場更有多啦A夢、大雄、靜香3款造型一套嘅糰子與透心涼冰沙，非常適合邊行邊食。
※各款美食由2020年8月4日起期間限定登場
喪買！日本環球影城×多啦A夢聯乘精品
所謂「食玩買」，食完、玩完，當然仲要血拼埋先夠過癮啦！今次登場嘅一系列全新主題樂園精品除咗包括實用生活用品例如T恤（深藍、白色2款）、透明文件夾套裝（1套2款）與馬克杯之外，仲會有髮箍、卡套（票夾）、鎖匙扣等日本環球影城獨家限定款式面世！有興趣瘋狂爆買嘅朋友就要記住mark實Space Fantasy Station（太空幻想車站）喇！
※各款產品由2020年8月28日起期間限定登場
景點資訊
- 《STAND BY ME 多啦A夢2》 XR RIDE（《STAND BY ME 多啦A夢2》 XR乘車遊）
- 舉行期間：2020年8月4日至2021年1月6日
- 舉行地點：日本環球影城 Space Fantasy – The Ride（太空幻想列車）
©Fujiko Pro/2020 STAND BY ME Doraemon 2 Film Partners
Comments