日本嘅和服會因應不同場合，其穿著方法、顏色和款式亦有所不同，亦可根據個人喜好選擇短款或長款。和服花紋（和柄）有咩種類？其圖案是否具有特定意思？日本和服嘅圖案有鶴鳥、松竹梅、扇子、櫻花、牡丹、山茶花、蝶兔、雪花、波紋等，種類繁多。以下落嚟小編將介紹部分和服圖案及其含義，最後仲會介紹一下除咗傳統和服之外，仲有咩特別嘅和服種類。
「櫻花」圖案象徵豐收
從平安時代開始，櫻花（さくら/ sakura）就係日本人心目中不可或缺嘅代表性植物，其日本字面「さ」意為稻穗，「くら」則指神明居住嘅星宿。人們為咗祈求豐收，會於賞花時期舉辦宴會。即使時至現今，觀賞櫻花仍然係一項重要嘅傳統活動。櫻花雖然係春季花卉，但穿上櫻花圖案嘅和服則無分季節，屬四季節適宜穿著嘅圖案。
「菊花」圖案象徵長壽
菊花係象徵長壽嘅代表性花卉，圖案中常見菱形或圓形嘅搭配組合。菊花雖然被視為秋季花卉，但亦被認為適合於任何季節穿著。
「蝴蝶」圖案象徵健康的女性
從毛毛蟲變成蛹，再變成美麗嘅蝴蝶，經歷了華麗嘅轉變，象徵著健康女性嘅成長。此外，由於蝴蝶喺產卵期間會與伴侶同在，亦代表著夫婦關係美滿。
「鶴鳥」圖案象徵長壽
鶴鳥圖案代表著延命長壽嘅祥瑞之意，由於鶴嘅形象高貴優雅，常被用於慶祝場合上所穿著嘅和服，特別常見於婚禮中嘅新娘子所穿著嘅婚嫁衣裳上喔！
「扇子」圖案寓意為光明未來
扇子圖案被視為吉祥圖案之一，因其具有朝氣蓬勃嘅形狀而被稱為「末広がり」，直譯成中文即為「末端廣闊」，意思為前途光明，未來發展非常廣闊。另外，喺日本更有一個傳統習俗，係會於喜慶場合中贈送扇子喔。
＼號外／除了「傳統和服」，仲有咩其他特別的和服種類？
以來落嚟同大家介紹一下「動漫和服」、「羅莉塔和服」、「性感和服」、「短款和服」、「長款和服」、「結婚和服」和「嬰兒和服」。
動漫和服
動漫和服係指動畫角色所穿著嘅和服。時至今日，雖然於日常生活中穿著和服嘅日本人比較少見，但喺動漫世界中，和服係非常常見嘅服裝。例如『鬼滅之刃』中嘅竈門禰豆子，以及《銀魂》中嘅坂田銀時等角色，都係以令人印象深刻嘅和服造型登場。
羅莉塔和服
羅莉塔（Lolita）和服係一種加上褶飾和蝴蝶結等裝飾嘅和服，亦被稱為「和服Lolita」或「和Loli」。你可以喺「Instagram」和「Pinterest」上搜索得到各種不同風格嘅Lolita和服，讓你了解更多關於呢種特殊風格嘅和服喔。
性感和服
性感和服可以分為兩種類型。一種係150年前喺日本被稱為「花魁」嘅職業女性所穿著嘅和服。另一種係使用絲綢等材質製作而成嘅絲質長袍式和服，可以當作內衣穿著。
如果想喺日本體驗穿著性感花魁和服嘅話，可以考慮前往提供專門攝影嘅店舖。
短款和服
傳統日本和服嘅長度一般去到踝骨處，但現時亦可以買到膝上嘅短款和服。呢種短和服有短款嘅和服外套、短款嘅浴衣、仲有動漫人物嘅短和服等，種類繁多。
長款和服
日本和服一般以長版為主流，更有長至足踝，被稱為「十二單」嘅拖地長和服，只有身分高貴嘅女性才能穿上，現代日本則無乜機會穿著呢種拖地長和服。
結婚和服
喺日本，有唔少人會於婚禮上穿著和服。女性喺婚禮上穿著嘅和服種類一般有三種：全白色嘅「白無垢」、色彩繽紛嘅「色打掛」和未婚女性穿著嘅「振袖」。
另外，男性於婚禮上所穿著嘅和服僅限於帶有家紋的「羽織袴」。婚禮上，新郎新娘嘅家族和親戚們所穿著嘅和服亦有相對應嘅禮儀要求。
嬰兒和服
根據日本傳統習俗，新生嬰兒亦有機會穿著和服。例如喺出生七天後進行嘅「袖通」儀式，以及約一個月後進行嘅「初宮詣」等。另外，當小朋友稍微長大後，仲有祈求小朋友健康成長嘅傳統活動「七五三」等活動，亦需要穿著正式和服喔。
Comments