東京迪士尼樂園®嘅「米妮時尚工作室」即將喺2020年4月15日（三）開幕！開幕之前，由2020年1月10日（五）至3月19日（四）期間，為咗炒熱米妮熱潮，特別推出咗為期70日，今年先有嘅全新特別節目「魅力魅力米妮！」，令米妮嘅可愛魅力席捲園區各地。
「魅力米妮秀！」「魅力米妮集錦」米妮超KAWAII!!
喺歌舞基地上演嘅「魅力米妮秀」歌舞表演，米妮會同其他迪士尼明星換上華麗亮眼嘅服飾，配合住包括熱情拉丁、華麗浪漫、活力舞廳等多種唔同嘅主題音樂，加埋大家好熟悉嘅園內經典樂曲配搭，為大家帶嚟精彩表演。
另外，仲喺遊行路徑推出小型遊行表演「魅力米妮集錦」，令可愛又多彩繽紛嘅米妮魅力，廣散至成個園區。途中會停留6處，展開開心精采表演，入面會加入好多以往表演嘅經典元素，帶領遊客體驗懷舊同新穎交錯嘅夢想歡樂世界。
「魅力魅力米妮！」主題特別商品&餐點
「魅力魅力米妮！」亦會推出多款嘅周邊商品，全部都以米妮服飾上面嘅招牌波點做主題，商品包括有鎖匙扣套裝（2,100円）、文件夾（310円）等。另外仲有全新設計嘅迪士尼明星造型手套（2,300円）、造型頭箍（1,800円）等各種飾物亦會同時推出，大家可以換上米妮造型讓遊園，更添歡樂氣氛。
另外，仲有大家好鍾意嘅公仔吊掛飾（各款1,900円）都係換咗可愛嘅波點衫，粉絲一定要買嚟收藏啊～！
而喺活動期間，仲會推出好多以主角米妮為主題嘅特別餐點。包括有梳夫厘＆布甸（550円）、士多卑梨芝士班戟草莓（700円）、附送迷你曲奇盒嘅繽紛朱古力（850円）同埋爆谷桶（2,300円）等各種餐點，配色都用咗米嘅粉紅色，仲有小小蝴蝶結，非常可愛。每一項餐點都包含咗米妮嘅可愛元素，大家有機會一定要試吓。
2020年年初嚟東京迪士尼樂園®，同主角米妮約會吧！想要親自感受米妮到底有幾可愛，一定要嚟東京迪士尼樂園®唷！
※特別商品及餐點內容可能在無預告的情況下，依各種情況有所調整，亦可能缺貨或售完
更多米妮時尚工作室嘅相關情報，請睇：東京迪士尼樂園®全新區域2020年4月15日開幕！新設施詳情首度公開！
Comments