日本嘅汽車生產商，由好耐之前就開始製造客貨車。因為日本有好多中小企業，好多時需要搬運大量嘅資源物料，同時要載幾個工人，呢啲需要一架客貨車就可以滿足到。到咗今時今日，雖然客貨車嘅需求量唔及以前高峰期咁多，但依然有多款客貨車喺市面出售。因為主要為咗喺工作上用，所以實用耐用喺最大嘅特徵，如果小心啲咁用，行100萬公里都無問題。今次我地就一齊睇吓日本製造嘅5款主要客貨車喇！
Hiace (Toyota 豐田)
喺1967年首次面世嘅Toyoya・Hiace發展到而家已經係第6代。佢係一款唔止喺日本，係喺全世界都好受歡嘅客貨車。有為咗配合日本狹窄道路嘅1.7米闊嘅Narrow Body同1.88米闊嘅Wide Body兩款選擇，而車型亦都有由2人乘車加載貨空間，到坐得落14人嘅小型Van仔款式。
NV350 CARAVAN (NISSAN 日產)
喺1972年面世嘅CARAVAN，而家賣緊嘅係第5代。同Toyoya 嘅Hiace 嘅車身大細一樣。雖然主要喺業務上用比較多嘅車種，但佢嘅特色係，咪錶設計同埋車廂內部就比較近似私家車。而且耐用性受到好評，不過可以選擇嘅引發種類就比Hiace少，比較適合已發展國家嘅市場。
e-NV200 (NISSAN 日產)
e-NV200喺用電力發動嘅客貨VAN。佢嘅摩打同埋電池同日產嘅電動私家車「LEAF」一樣，充足電嘅話，官方話可以行走300公里，高速公路亦都可以行走200公里。另外亦對應快速充電。因為喺考慮到防止地球溫室暖化嘅環保車，所以都有好多注重環保嘅公司用嚟做運輸貨車，另外亦有用嚟做的士。
MINICAP MiEV (Mitsubishi 三菱)
另外再介紹多一款電動嘅客貨車。就係輕型貨客車大細嘅MINI CAP MiEV。有長距離同短距離版，根據官方公佈，長距離版每次充電後可以行使150公里，而短距離版就係100公里。雖然可行路程好短，但如果事先已經計劃好哂路線嘅話，用嚟運輸都係好方便。短距離版嘅售價係177萬円(約港幣13萬)，而長距離版就215萬円(約港幣16萬) (價錢喺4人乘坐嘅款式)，以電動車嚟講價錢好實惠，亦係佢魅力之一。
BONGO VAN (MAZDA 萬事得)
雖然MAZDA公佈咗話今後會專注生產私家車。但其實佢喺生產貨客VAN方便有好長嘅經驗同歷史。而家唯一仲有賣嘅客貨車就係BONGO。曾經非常流行嘅款式，甚至有段時期，呢種類型嘅客貨車都被稱為BONGO VAN。呢個車款預計只會生產到2020年。
以上介紹咗５款客貨車，你鍾意嗎？可以載人載貨，而且耐用，仲可以應付高溫多顯嘅日本天氣，相信呢啲客貨車應用喺生活中都可以令生活更方便更豐盛。有任何感想都可以同我地分享！
Comments