東京迪士尼度假區🄬在11月8日（五）至12月25日（三）為止舉辦聖誕特別活動「迪士尼聖誕」。咁多嘅聖誕美食，都只可以喺聖誕期間嚟到東京迪士尼樂園®同埋東京迪士尼海洋先有機會食到唷！今次為大家介紹好食嘅聖誕限定美食！快啲嚟寫筆記！
東京迪士尼樂園®限定嘅聖誕美味
東京迪士尼樂園®用咗坐雪橇享受聖誕嘅米奇同埋朋友仔為主題，仲出咗幾款附送品嘅餐點。有附馬克杯嘅士多啤梨甜品（800円），就好似將成個士多啤梨放入杯入面咁，淋上酸酸甜甜嘅士多啤梨醬，酸甜滋味令人難以抗拒！另外，仲有附送碟嘅蔓越莓紅茶蛋糕（800円），蓬鬆嘅蛋糕帶有紅茶香味，加入咗酸甜嘅蔓越莓。隨餐附送嘅杯同碟，真係靚到睇見已經開心，唔捨得拎嚟用。
販賣商店
- 甜心咖啡餐館（世界市集）等
東京迪士尼海洋®限定嘅聖誕美味
東京迪士尼海洋®限定嘅有附送禮物嘅餐點，設計概念嚟自「絢彩聖誕」嘅排排列隊舞。附送碟嘅咖啡牛油撻（800円），苦中帶甜嘅滋味喺口入面散開，咖啡嘅香味濃郁。另外，仲有送馬克杯嘅朱古力奶油慕斯（800円）用咗微苦嘅朱古力，加甜甜嘅奶油慕斯，好似合奏出絕妙嘅旋律喺舌尖跳舞咁。
販賣商店
- 餅乾媽媽西點（地中海港灣）等
小小奢侈一下「SELECT FIVE」精選套餐（2,080円）
米奇造型嘅麵包入上撒滿芝士咁放入洋蔥湯、主菜係充滿聖誕色彩嘅漢堡扒，淋上了番茄BBQ風味醬汁。另外仲有印咗米奇大頭嘅麵包或者可揀白米飯，以聖誕麋鹿為主題焦糖慕斯&糖漬柳橙，仲有雪糕，讓人充分享受聖誕大餐嘅美味，係個有小小奢侈嘅開心套餐。
販賣商店
- 水平線海灣餐廳（發現港）
Duffy & Friends嘅限定餐點必CHECK！
購買Soft Drinksoft Drinks再加600円，就可以有埋Duffy嘅杯套。另外，用1,600円就可以加購不銹鋼隨行杯，咁就可以一邊飲住熱辣辣嘅嘢飲，一邊盡情享受迪士尼海洋🄬唷。
販賣商店
- 鱈魚岬甜品、鱈魚岬錦標美食（美國海濱）
正餐前先來喝杯小酒、品嘗輕食「Taste・Of・Christmas」
醬汁嘅香氣令人食慾大振，入面有日式炒麵嘅御好燒捲（550円）撒上了聖誕色彩嘅芝麻點綴，相當日式和風小食。喺食正餐之前、或者睇表演嘅空檔，不妨配杯生啤酒一起享用。
販賣商店
- 櫻花餐廳室外專賣區（美國海濱的紐約區域）
樂園海洋都可以品嘗嘅美味餐點
爆漿奶油內餡嘅朱古力冬甩（380円）
口感有啲似丹麥麵包。加700円仲可以有可愛嘅化妝包唷。
販賣商店
- 東京迪士尼樂園🄬：克莉歐小吃（夢幻樂園）
- 東京迪士尼海洋🄬：帕帕達基司新鮮水果（美國海濱）等
聖誕蛋糕（1,480円）
12厘米大嘅鬆軟嘅海綿蛋糕，內層係黃桃內餡，係成個圓形蛋糕唷，上面仲擺咗畫咗聖誕米奇嘅曲奇，仲有一大粒士多啤梨。最適合大家一齊分享品嘗。
販賣商店
- 東京迪士尼樂園🄬：紅心女王宴會大廳（夢幻樂園）
- 東京迪士尼海洋🄬：水平線海灣餐廳（發現港）
附送小小餅乾盒嘅軟糖、繽紛朱古力（各850円）
「爆米花車」變成小小餅乾盒啦！上頭舖滿白雪、仲有帶著聖誕紅帽嘅米奇同米妮唷，充滿聖誕氣氛。
販賣商店
- 東京迪士尼樂園🄬：小憩店（世界市集）等
- 東京迪士尼海洋🄬：餅乾媽媽西點（地中海港灣）等
爆谷、附爆谷桶（2,400円）
禮物造型嘅爆谷上頭描繪咗好多聖誕節美好嘅回憶。爆谷桶嘅吊帶上仲附有個大大嘅蝴蝶結，鬆軟嘅觸感摸起嚟相當舒服。
販賣商店
- 東京迪士尼樂園🄬：涼亭前（爆谷車）等
- 東京迪士尼海洋🄬：Lido Isle前（爆谷車）等
除咗文章內容介紹嘅嘢食之外，仲有更多好食嘅聖誕美食，等住大家品嘗！快啲嚟聖誕氣氛滿點嘅東京迪士尼度假區🄬創造更多美好嘅聖誕回憶吧！
※特別商品、特別餐點內容有可能喺無預告嘅情況下，依各種情況有所調整，亦有可能缺貨或售完。
Comments