當要數日本文化嘅美學時，唔可以唔提到嘅就係「花道」(生け花, Ikebana)，簡單嚟講就係插花嘅藝術。日本嘅花道係用當時令季節嘅花同埋植物，生動咁繪畫營造空間。呢篇文章將會介紹日本花道嘅魅力同歷史。
日漸國際化嘅日本花道？同西方插花有乜分別？
「花道」係源自日本，使用四季唔同嘅花、植物，甚至植物以外嘅裝飾，組合而成嘅藝術。但係，時至今日花道已經邁向國際化，除咗喺日本之外，仲轉到好多唔同國家。歐美嘅西插花同日本花道嘅最大分別係，加法美學還是減法美學。日本花道現在已朝向國際化發展，傳播到許多不同的國家。西方插花與日本花道之間最大的不同在於，採取加法還是減法的美學。西方插花係加法美學，即係用好多花將個空間填滿嚟表達美。相反地，點樣喺花同植物中製造空間，留白嘅減法美學，係日本花道嘅特徵之一。
花道使用嘅花器等工具
花道使用陶器、竹、木材、玻璃同石材等，各種材料質地同埋唔同形狀嘅花器。另外，「劍山」係花道唔可以欠缺嘅工具。「劍山」係將針打直打橫連埋一齊，用嚟拮住啲花同植物，固定佢地嘅工具。有咗劍山，就算喺平滑水盤咁嘅花器上面，都可以自由自在咁插花。仲有，用嚟剪花嘅「花剪」，同埋用嚟放作品嘅花台，呢啲基本工具。除此之外，有時為咗固定啲花同植物，亦會用到膠紙、膠水、鐵線等。
日本花道的歷史
日本花道嘅歷史，可以追溯至佛教傳入日本之後，大家想將供奉喺佛前嘅鮮花整得越來越靚，而發展出嚟。現代中使用緊嘅花道形式，大概喺室町時代中期嘅1460年左右確立。據說係因為京都僧侶嘅插花備受好評而開始，嗰啲僧裡住喺水池附近，所以就被稱乎做「池坊」(いけのぼう)，呢個亦成為咗後來花道流派嘅名稱。去到江戶時代，發展出以又幼又高嘅花器垂直插花嘅技術，稱為「立花」。「立花」技術時至今仍然係花道嘅基本形式。去到江戶時代後期，平民嘅經濟亦富庶起嚟，所以花道亦開始流行起嚟。
池坊、草月流等日本花道主要流派
日本花道有好多唔同流派，包括歷史最悠久嘅「池坊」，仲有「草月流」同「小原流」等等。每個流派都有自己嘅理念、插花方式，連工具都唔太一樣。有啲流派重視保留花嘅自然，有啲流派就透過創新手法追求藝術。如果想了解唔同流派之間嘅差異，可以去參觀各種唔同流派匯聚一堂嘅插花藝術展，一次過欣賞哂各個流派嘅獨特作品。
Comments