百貨公司喺日文中叫「百貨店」(ひゃっかてん, hyakkaten)或者「デパートメントストア」(簡稱デパート, 即係Department Store)，日本嘅大城市一般都有百貨公司，唔單止日本人，海外嚟嘅遊客都好鍾意。喺百貨公司入面可以買到化妝品、食品，仲可以喺餐廳享用美食，同埋其他各種服務、體驗。
關於日本嘅百貨公司
以和服店起家嘅「三越」，於1905年開設咗日本第一間百貨公司。呢種形式嘅設施，係喺一座大型建築物入面，設有各式各樣嘅店舖、售賣種類豐富嘅商品。
日本有LaLaport同AEON MALL等等購物設施，但佢地唔係百貨公司，而係被稱為購物中心。
購物中心同百貨公司之間，最大嘅分別係，收銀畀錢時，舖頭畀嘅購物袋係乜嘢樣。百貨公司會用返百貨公司自己標誌嘅紙袋，而購物中心就會係唔同舖頭嘅袋唔同樣。但購物中心同百貨公司亦有共通點，就係都可以喺度購物同食飯。
日本百貨公司入面有乜嘢呢？
百貨公司主要係行街買嘢同食嘢嘅地方。可以購買化妝品、日本雜貨、服飾用品、珠寶同家俬等商品。下面將為大家介紹幾個特別推薦嘅商品同埋售貨樓層。
化妝品樓層
化妝品樓層通常位於百貨公司嘅一樓或者地下。CHANEL、Dior國際品牌，以及SHISEIDO資生堂等日本製化妝品都會喺呢度設有專櫃。
在百貨公司購買化妝品，喺日文中稱為「Depacos」(デパコス)，意味住係高級化妝品品牌。百貨公司裡嘅化妝品，由擁有化妝品知識嘅化妝品銷售人員為顧客服務。所以可以詢問各種有關化妝品嘅問題，佢地會為顧客提供美容建議。
食品樓層
食品樓層通常位於百貨公司嘅地下，日文稱為「Depa Chika」(デパ地下)。通常食品店鋪都位於同一樓層。所有店鋪都係面對面銷售，可以直接向店員詢問詳細商品資訊。
而一般陳列嘅食品不單只有外賣便當、配菜等，仲會有日式點心、西餅蛋糕等等。特別係日本全國各地區嘅特產、手信會集合一齊，值得大家去睇吓。
日本雜貨
百貨公司裡也會有售日本雜貨嘅店鋪。有「日式手巾」(手ぬぐい) 、「日式綁巾」(風呂敷)、扇子等等，送禮自用都好適合。
另外仲會有日本統傳嘅浴衣、和服等日式服裝高級專門店，可以喺呢度搵到靚靚嘅和服。
餐廳
餐廳通常集中喺百貨公司嘅頂層，由日式料理到西餐、由高級餐廳到大眾化餐廳都有，有多元化嘅選擇。
因為通常位於較高樓層，所以亦會有一啲景觀餐廳，可以眺望美景。
為外國旅客提供完善服務
日本百貨公司，好多都為訪日嘅外國遊客提供專門服務。服務內容依各個百貨公司而異，以下為大家將介紹主要嘅4種服務。
1, 免稅服務。百貨公司入面會有專用櫃台，旅客可以輕鬆辦理退稅。
2, 運送服務。呢項服務好受歡迎，百貨公司可以將遊客買完嘅戰利品，係一日內送去有合作嘅指定酒店。據說將來會有更多酒店合作提供呢項服務。
3, 電子傳譯服務。平板電腦等，提供傳譯服務。為咗令外國遊客購物時更加方便舒適，更易溝通，百貨公司引進咗多語言通譯功能嘅平板電腦。
4, 購物助手。由識英文或中文嘅服務人員幫手購物，提供一個外國遊客都可以輕鬆購物嘅環境。
推薦日本百貨公司
喺東京同大阪等大城市嘅車站附近，有好多百貨公司匯集。
例如東京都內嘅銀座、新宿、日本橋、東京、池袋等地區有24間百貨公司。而喺大阪府，大約20間百貨公司都集中喺梅田、心齋橋地區。（截至2019年10月資訊）
其中，特別推薦嘅百貨公司有三越、伊勢丹同高島屋。
三越係日本代表嘅百貨公司，裡面氣氛令人放鬆舒適。而高島屋同三越嘅總店都係位於「日本橋」，兩座建築物都被指定為日本國家重要文化財。
而伊勢丹百貨就唔單止喺日本，連海外都有分店，匯集咗好多時尚潮流品牌。伊勢丹百貨嘅其中一個特徵，就係佢嘅格仔圖案紙袋。
另外，高島屋喺一間受到年輕世代歡迎嘅高級百貨公司。
Comments