珍珠奶茶嘅熱潮喺日本真係完全唔識冷卻。一到週末，喺珍珠奶茶店集中地嘅東京嘅澀谷、原宿等地方，都會見到好多年輕人同埋情侶，會一邊拎住珍珠奶茶一邊行街。而乘住呢個珍奶熱，好多喺珍珠奶茶起源地台灣嘅人氣品牌都相繼登陸日本。當然亦都有日本本土創出嘅新品牌。今次我地就一齊嚟睇吓呢股珍珠奶茶熱潮中，特別受歡迎，又適合影呃LIKE相嘅商品。
直送「眷村」傳統嘅茶味 來自台灣・台中嘅「萬波」
台灣獨有嘅「眷村文化」係指1949年由台灣對岸中國大陸嚟咗大批嘅軍人同人民，而喺混亂之中，呢啲軍人同人民喺軍營同學校周圍，開始建造簡單嘅住屋同生活嘅地方，呢啲村落就稱為「眷村」。
今年登陸日本嘅「萬波」，第一號店開咗喺珍珠奶茶嘅激戰區「澀谷」。可以飲到台灣傳統嘅茶味。而除咗珍珠以外，仲有得揀愛玉、仙草等。為咗傳遞台灣正宗嘅味道，所以無論係製野飲嘅機械，定係配料、水果同飲品原料，全部都係由台灣入口。而配合唔同季節，亦會推出期間限定嘅飲品。
店舖嘅裝修就懷舊得嚟，簡單時尚。而品牌嘅吉祥物公仔亦都非常可愛，可以買埋個杯扣，咁影相出嚟就特別靚。
喺天空中都要珍奶 入咗樽裝嘅珍珠奶茶
喺羽田機場第一客運大樓入面嘅「XFLAG STORE + HANEDA」，有3款唔同嘅樽裝珍珠奶茶發售，分別係「珍珠奶茶」、「珍珠鮮奶焙茶」同「珍珠鮮奶抹茶」。買咗喺可以帶上日本國內線嘅內陸機上面，真係飛上雲宵都可以繼續飲珍奶。
因為特別嘅樽裝設計，係適合拎入機倉，只要閂好個蓋，拎返屋企都得。而珍珠鮮奶焙茶同珍珠鮮奶抹茶係「XFLAG STORE + HANEDA」限定發售嘅味道，真係剩係呢度先買到。所以如果坐日本內陸機時，就一定要買嚟試下，用嚟喺飛機入面影相都唔錯啊！
以西日本做據點 台灣黑糖生珍珠專門店「羊一茶」
舖頭個招牌標誌係個羊頭，每日賣出超過1000杯嘢飲嘅超級人氣店，喺大阪梅田、神戶嘅三宮同福岡等地都有分店。由起源地台灣直接輸入珍珠同台灣製造嘅高級茶葉，加上傳統嘅製法，使用沖繩嘅黑糖，黑糖真係染到入芯，鍾意甜食嘅人絕對唔可以錯過！
舖頭仲有賣台灣流行過嘅「盆栽珍珠奶茶」。同埋新商品「燒黑糖鮮奶蓋」，喺你面前燒黑糖到燶燶地，好香好脆好易上隱！如果去西日本旅行嘅話，非常推介要試下！
連GODIVA都珍珠奶茶 喺指定店舗有期間限定嘅珍珠奶茶
由2019年8月23日(五)至12月31日(二)，喺日本嘅指定GODIVA店舖，會有期間限定出售GODIVA朱古力飲品「Chocolixir」 嘅進化版「Chocolixir Tapioca Darjeeling」。
GODIV嘅白朱古力嘅香滑甜味，加上Darjeeling嘅茶香同清新口味嘅融合，非常配合。而喺飲品嘅最底，有好有咬感嘅珍珠，加埋上邊嘅忌廉同埋茶粉，真係好完美。非常推介要試下呢款特別嘅珍珠特飲。
「可愛×藝術」為主題 貓形杯嘅「貓甜茶室」
喺大阪AME村嘅「貓甜茶室」，用咗由台灣產地直送嘅4種高級茶葉，分別研究佢地嘅味道、風味同埋珍珠嘅相性配合，而提共好正式嘅奶茶。加埋好少見嘅生珍珠同手製芋圓，可以試到鮮度極高，煙靭好咬嘅口感。
而且仲可以影埋成個貓世界咁嘅舖面，同埋唔會喺其他地方見到嘅貓型飲品杯。而且仲有貓店長（真貓）間中巡店。如果遇到貓店長，可能會行好運啊！
你會揀去邊間追上日本珍奶熱潮呢？
Comments