「臼杵」位於大分縣東南部，係一個至今仍保留著傳統歷史嘅城下町。小鎮坐擁「臼杵城」、武士宅邸、國寶・石佛像等眾多觀光景點，下次有機會到大分旅行時，不妨將「臼杵」編入行程，嚟一趟日本傳統歷史及文化氣息體驗之旅啦！
日本大分縣「臼杵」
臼杵古時因作為「臼杵城」嘅城下町而得以興盛繁榮發展。臼杵城由信奉基督教嘅「基督教大名」領主「大友宗麟」築城興建，而「基督教大名」即係指江戶時代信奉基督教嘅武士權貴，因此遊客至今仍然可以喺臼杵感受到當時嘅基督教文化氣息。臼杵街區至今仍然與江戶時代初期古地圖所記載嘅區域劃分一致，市內佈滿商舖、武士宅邸、神社佛閣等傳統建築。
臼杵推薦必睇景點
作為城下町而發展繁榮嘅「臼杵」，街道上保留著多座極具歷史價值嘅建築，例如係城牆或日本傳統建築等等。此外，獲列為國寶嘅石佛像更係不容錯過。
保留著昔日建築物嘅「臼杵城跡」
臼杵城跡係日本戰國時代大名領主・大友宗麟所興建嘅城池遺跡。臼杵城於明治時代遭到廢城，現時則作為公園對外開放。遊客可以到園內參觀到部分當年嘅建築，以及「空堀」（無水壕溝）、門跡、「井戸跡」（舊時的水井）、石牆等等昔日臼杵城遺跡。
參觀藩主居住嘅「稻葉家別邸」
「稻葉家下屋敷（稻葉家別邸）」興建於1902年，係當時藩主嘅居所。您可以進內一窺當時高格調嘅生活起居和日用品等等。廣闊嘅日本庭園亦相當推薦一遊。
國寶「臼杵石佛」
臼杵石佛係一個總共有60尊佛似排列於岩壁上嘅觀光景點。據推測，佛像群係距今900年前嘅雕刻作品，現今已被指定為國寶，屬當地一大知名觀光景點。
臼杵推薦美食
「臼杵」係一個物產豐饒嘅城鎮，海鮮、山產、有機農業蔬菜等都有出產。其他當地特產亦包括味噌、醬油、當地生產囓日本酒等。
日本數一數二鮮味「虎河豚」
「虎河豚」係臼杵代表美食之一，市內有多家提供河豚料理嘅餐廳和旅館，遊客可於旅館內嘅宴席料理品嚐到臼杵虎河豚嘅相關料理。
前往臼杵嘅交通方式
最後介紹從東京都內前往臼杵嘅交通方式。從「羽田機場」乘搭國內線航班（約1小時45分鐘）至「大分機場」，然後從大分機場轉乘大分交通巴士（車程約1小時）至「大分站前」下車。從大分站轉乘JR列車（特急列車約35分鐘）至「臼杵站」下車即達。
景點資訊
- 名稱：臼杵（臼杵站）
- 地址：大分縣臼杵市大字深田804-1
- 交通方式：東京→[飛機] 約1小時45分鐘→大分機場→[巴士] 約1小時→大分站→[JR] 約35分鐘→臼杵站
- Wi-Fi：無
Comments