位於静岡縣伊東市嘅「東海館」興建於昭和初期，至今仍保留舊時風情。東海館過去曾係溫泉旅館，現時則作為觀光及文化設施對外開放，供人參觀。木造三層樓建築物當中，處處可見工匠既講究又精湛嘅手藝技術製作出嘅精美雕刻裝飾。
日本伊豆伊東市「東海館」嘅小檔案
東海館位於日本伊豆半島上静岡縣嘅伊東市，呢棟保留昭和初期建築風格嘅木造3層建築，係歷史悠久、相當珍貴嘅建築物。過去曾係溫泉旅館，西元1997年廢館停止營業後，建築物捐贈給伊東市政府。為咗將具有歷史價值嘅珍貴木造建築之美傳遞至後世，東海館喺2001年作為觀光及文化設施開館，對外開放供民眾參觀。喺建築物嘅走廊、樓梯、客房入口等，好多地方都保留著日本工匠職人以精巧技術製作嘅建築之美。
東海館嘅睇頭
東海館嘅睇頭正係其美麗嘅日式建築風格，同館內處處可見嘅精緻雕刻。
玄關保留著懷舊風情
充滿懷舊歷史風情嘅玄關，保留昭和初期溫泉旅館嘅氛圍。入口玄關嘅鶴木雕相當美麗。
可欣賞工匠精湛技藝嘅客房
一樓至三樓嘅客房有各種形狀唔同嘅裝飾窗，可以欣賞到工匠精湛嘅手藝。
至今仍可使用嘅大澡堂
館內嘅大澡堂浴場內全面貼滿磁磚，浴槽嘅熱水出水口有「獅子」同「章魚」雕刻。呢個大澡堂僅逢星期六、日及日本公眾假期開放，有機會不妨去嘆吓浸浴啦！
東海館設施使用須知
東海館嘅開放參觀時間為09:00至21:00，入場費為成人（中學高中生及以上）200日圓、孩童（中學初中生及以下）為100日圓。
僅於週六日及假日營業嘅東海館大澡堂
大澡堂嘅開放時間為星期六、日及日本公眾假期11:00至19:00。澡堂收費為成人500日圓、孩童300日圓（包含入館門票費用）。澡堂實行男女分開時段使用制，女性嘅入浴時間為13:00至14:45及17:00至19:00，而男性係11:00至12:45及15:00至16:45（視當天情況有可能臨時變更時段）。澡堂內提供沐浴乳、洗頭水、護髮素、風筒、毛巾（須另外付費）等盥洗用品。
去東海館嘅交通方式
從東京都去東海館，可以喺東京站搭40分鐘新幹線，到熱海站落車，轉車搭JR列車。車程約22分鐘，到伊東站落車後徒步約10分鐘即達。
景點資訊
- 名稱：東海館
- 地址：〒414-0022 静岡縣伊東市東松原町12-10
- 交通方式：東京站→[新幹線] 車程約40分鐘→熱海站→[JR] 車程約22分鐘→伊東站…徒步約10分鐘
- Wi-Fi：無
- 語言：僅限日文
- 門票：於窗口購票
- 信用卡：無法使用
Comments