座喜味城跡係一個位於沖繩縣讀谷村嘅熱門觀光景點。座喜味城於15世紀初由被稱現代學者稱為建築家嘅知名武將「讀谷山按司護佐丸」所建造，雖然城堡全貌現時已不復在，但遊客仍然可以欣賞到具有優美曲線嘅石牆以及其精巧嘅砌石技術㗎！
座喜味城跡必睇之處
2000年，座喜味城跡作為「琉球王國城跡及相關遺產群」被登錄為世界遺產，係沖繩當地一處相當寶貴嘅景點。古城由「一郭」及「二郭」兩個城郭構成，主要觀光重點為圍繞各城郭、由幾種曲線組合而成嘅城牆，有人更話呢到嘅城牆係全沖繩城堡當中最靚𠻹！
每座城牆都設有一道以楔石建成嘅弓狀石門，係沖繩城堡中相當罕見嘅構造。雖然座喜味城部分結構於1945年嘅沖繩島戰役中已倒塌，幸好二郭弓形石門仍得以成功保留築城當時嘅樣貌。
如何欣賞座喜味城建築
遊覽座喜味城時，各位不妨可以觀察一下城內各處嘅砌石方式。古城主要採用「布捆堆砌法」，即係將具有一定高度、切割成統一形狀嘅石頭互相堆疊嘅城牆建造方法；除此之外亦有將大小不一、未加工石頭直接一齊堆積嘅「野面堆砌法」、將石頭加工成多邊形再堆砌成牆嘅「相方堆砌法」等，遊客可以喺呢座沖繩城跡內欣賞到各種不同嘅石砌技術。
遊客只可以攀上座喜味城一郭嘅部分區域。由城牆頂部，您可以眺望到讀谷村名勝「殘波岬」、有潛水聖地之稱嘅沖繩離島「慶良間群島」等絕景。
著名祭典
每年10月，通往座喜味城嘅路上都會舉行「座喜味城通交流祭典」。村內餐廳、雜貨店會出來擺攤，座喜味城跡附近嘅「座喜味公民館」亦會上演沖繩傳統表演藝術「EISA (エイサー)太鼓舞 」及沖繩歌舞「Kacharsee (カチャーシー)」。
呃like影相打卡景點
座喜味城內有多處熱門影相景點，例如從城牆上眺望到嘅讀谷村絕景以及具有優美曲線嘅石牆等。其中特別推薦從一郭弓形石門望向二郭弓形石門嘅景色，只此一家獨一無二！
體驗以外國遊客為對象嘅活動
嚟到座喜味城，您可以穿上沖繩傳統民族服飾「琉裝」於城中散步。距離座喜味城約4分鐘步程嘅「琉裝一番屋」設有租借傳統服裝服務，店員會非常樂意為您服務㗎！
關於座喜味城
- 建造時期：15世紀初（1420年左右）
- 祭典：座喜味城通交流祭典
景點資訊
- 名稱：座喜味城跡
- 地址：〒904-0301 讀谷村字座喜味708-6
- 交通方式：那霸巴士總站→[沖繩巴士（29番讀谷線）]約1小時5分鐘→座喜味巴士站…步行約15分鐘
- Wi-Fi：無
- 語言：英文
- 票價：免費
Comments