「座間味島」係距離沖繩本島約40公里處嘅「慶良間群島」內位置最北嘅島嶼。遊客可於島上體驗各式各樣嘅活動，例如喺高透明度嘅大海潛水或浮潛、與當地導遊一齊遊覽島嶼等。
關於座間味島
座間味島位於座間味村嘅中心，觀光景點比「阿嘉島」、「慶留間島」更加豐富。
遊客從沖繩本島泊港渡輪碼頭「Tomarin (とまりん)」乘搭高速船約50分鐘即可到達座間味島，連同沖繩本島行程編排都一樣咁方便。
座間味島氣候・最佳旅遊季節
座間味島全年溫差頗細，氣候溫和舒適，但5月到7月梅雨季期間降雨量較多、7月中旬到10月上旬則屬颱風季，喺呢兩期間前往旅遊時務必要事先查清楚天氣預告！
座間味島適合旅遊嘅季節因唔旅遊目的而異。如果想要從事海上活動，建議您可4月到10月份之間前往旅遊；如果想參加座間味島所在嘅慶良間群島嘅熱門賞鯨活動，您則必須於1月到3月呢段期間前往。
座間味島必睇景點
座間味島唔單只有多個觀光景點，島上可以體驗嘅活動亦非常豐富。以下就為大家介紹推薦必睇景點及旅遊方式。
古座間味海灘、阿真海灘等座間味島海灘
座間味島上有多個各具特色嘅海灘，由小型到總長超過800米嘅純白沙灘都有，其中「古座間味海灘」就係座間味島嘅主要海灘。榮獲「米芝蓮綠色指南・日本」2星推薦嘅海灘特色係擁有座間味島透明度最高嘅海水，同場亦設有淋浴設備、商店等，非常適合遊客在此游泳戲水。
另外，可以眺望嘉比島・安慶名敷島等座間味各個島嶼嘅「阿真海灘」亦係另一熱門景點。
您可以喺上述海域內體驗潛水及浮潛，亦可以順便欣賞海龜、珊瑚礁、熱帶魚等各式各樣嘅生物。
稻崎展望台、女瀨之崎展望台等座間味島絕景景點
座間味島上多個可以眺望無敵海景、鄰近島嶼嘅展望台或公園。例如，別稱「鯨魚展望台」嘅「稻崎展望台」就係冬天觀賞座頭鯨嘅知名景點。
另外，您仲可以前往有「夕陽展望台」之稱嘅「女瀨之崎」，或可以眺望慶良間群島嘅「高月山公園」等地方。
座間味島美食及餐廳
座間味島盛產吞拿魚、鰆魚、海藻「水雲( もずく)」等豐富海產，其中又以水雲蕎麥麵、水雲沖繩炒苦瓜等各式各樣水雲創作料理嘅海藻「水雲」相關料理相當著名。
座間味港周圍有多間提供當地美食及其他料理嘅餐廳。
座間味島酒店、旅館
座間味島住宿設施種類豐富，從酒店、民宿、小木屋到公寓式酒店都有。大部分設施位於座間味港周邊，其他則散佈於東北地區阿佐聚落沿岸。
住宿費用依酒店種類而異，單純住宿的話每晚約為4,000～7,000日圓。其中有部弟宿舍型住宿提供每晚約2,000日圓起嘅經濟實惠選擇，島上亦有附設餐廳、每晚1萬日圓起嘅酒店。（資訊截至2019年8月）
從沖繩那霸機場搭船前往座間味島嘅方式
從沖繩那霸機場前往座間味島，您嘅首要目標就要泊港渡輪碼頭「Tomarin (とまりん)」。從那霸機場3號巴士站乘搭「琉球巴士」26號，車程約30分鐘，於「泊高橋」站下車即可抵達。
於泊港渡輪碼頭「Tomarin (とまりん)」落車後，您即可以見到開往座間味島嘅渡輪碼頭。再乘搭高速船「座間味皇后號 (クイーンざまみ)」，約50分鐘後您就會抵達座間味島玄關口「座間味港」。巴士費用為230日圓、渡輪單程成人票價為2,120日圓、高速船單程成人票價為3,140日圓。（資訊截至2019年8月）
座間味港設有旅客服務中心，中心設有可以同外國遊客溝通嘅工作人員，亦放有多國語言版本嘅導覽手冊等，您可以喺到蒐集到有關島上嘅觀光資訊。
相關資訊
- 名稱：座間味島（座間味港）
- 地址：〒901-3401 沖繩縣島尻郡座間味村座間味
- 交通方式：那覇機場→[琉球巴士]約30分鐘→泊高橋→泊港渡輪碼頭「Tomarin (とまりん)」→[高速船]約50分鐘
- Wi-Fi：有
- 語言：英文、法文、西班牙文
- 信用卡：不可使用
Comments