位於三重縣伊勢市海邊一角嘅夫婦岩，係用粗大麻繩連接嘅兩塊岩石。呢一大一小的岩石，遠望就好似一對夫妻互相依偎咁，象徵圓滿嘅夫妻生活或締結良緣。
三重縣夫婦岩小檔案
夫婦岩被認為係交通安全之神「猿田彦大神」嘅靈石，亦係遙拜日出嘅鳥居。較大嘅「男岩」高9米，較小嘅「女岩」高4米。兩塊岩石之間由一條35米長嘅粗大「注連繩（結界繩，用嚟區隔神界同人世間）」連接起來。呢條「注連繩」喺每年5月5日、9月5日同12月中旬嘅週六或週日，會舉辦更換注連繩儀式。喺呢啲日子都會有大量參觀人潮。
夫婦岩嘅特色
擁有極佳地理位置嘅夫婦岩，背後係一望無際嘅海景。夫婦岩全年都可以觀光。以下為你介紹夫婦岩嘅必睇特色同推薦觀光季節。
夫婦岩被視為遙拜日出嘅鳥居之岩
日出時，太陽會從夫婦岩兩塊岩石中間升起，因此自古以來就係祭祀太陽之神「天照大神」嘅地方。
每年5月至7月，係觀賞美麗日出嘅最佳季節。特別係每年6月21日夏至前後，可以睇到太陽從200公里外嘅富士山山頂附近升起，亦係得呢個時期先有嘅神聖景象。
滿月從夫婦岩之間升起嘅冬之絕景
夫婦岩喺唔同季節同時間會展現唔同風景面貌。除咗日出，白頭或夜晚嘅景色都非常宜人。特別係10月至1月嘅滿月之夜，可以睇到滿月從男岩同女岩之間緩緩升起。夜空中，閃耀迷人嘅滿月同浮出海面嘅夫婦岩，靚到令人窒息！
可以順路參拜「二見興玉神社」
去夫婦岩時，仲可以順路參拜位於夫婦岩正面對嘅「二見興玉神社」。二見興玉神社供奉猿田彦大神，可以祈求良緣、夫妻圓滿、交通安全。
另外，二見興玉神社內有好多唔同形狀、顏色嘅青蛙石像。呢啲「二見蛙」聽聞係猿田彦大神嘅使者，亦象徵著幸運。
去夫婦岩嘅交通方式
建議從JR伊勢市站乘搭電車或巴士去夫婦岩。
搭電車的話，從JR伊勢市站去最近嘅車站「JR二見浦站」車程約10分鐘，落車後再步行15分鐘即達夫婦岩。搭巴士的話，從JR伊勢市站搭乘「CAN巴士」去最近嘅「夫婦岩東口・伊勢海洋樂園前」巴士站，車程約50分鐘，落車後步行約5分鐘即達夫婦岩。
景點資訊
- 名稱：夫婦岩（二見興玉神社）
- 地址：〒519-0602 三重縣伊勢市二見町江575
- 交通方式：伊勢市站→[JR]約10分鐘→二見浦站...步行約15分鐘；或者，伊勢市站→[CAN巴士]約50分鐘→夫婦岩東口・伊勢海洋樂園前巴士站...步行約5分鐘
- Wi-Fi：無
- 語言：僅限日文
Comments