「博多祇園山笠祭」係福岡嘅代表性祭典。每年7月喺福岡市博多區嘅櫛田神社舉行，好多日本電視台、新聞都會爭相報導。如果無機會喺祭典期間親自前往觀賞都唔使失望，因為「飾山笠」神轎全年都會展出，讓大家隨時都可以欣賞到呢個豪華絢麗嘅神轎。
關於博多祇園山笠祭
博多祇園山笠祭係櫛田神社舉行嘅祭典之一，歷史長達700多年。喺祭典期間，多個博多男人會徒手扛起名為「山笠」嘅大型華麗神轎，並喺城鎮上繞行。據說呢個祭典起源於1241年，當時博多地區疫病流行，承天寺嘅開山始祖「聖一國師 」，為咗驅除疫病，於城鎮上沿路灑水。
祭典嘅高潮係最後一日、7月15日嘅「追山笠」會有八個山笠聚集起來，同時喺街上繞行。
參與「博多祇園山笠祭」祭典盛會
山笠分為裝飾用、色彩鮮艷嘅「飾山笠」，以及祭典上實際使用嘅「抬山笠」兩種。前者喺櫛田神社內，以及川端商店街內嘅川端ZENZAI廣場全年公開展示。呢啲巨大絢麗嘅神轎，由職人親手打造而成，非常值得一看！
博多祇園山笠祭嘅流程
祭典從每年7月1日至15日開始，主要活動流程如下。
7月1日—「飾山笠」公開展示
大型「飾山笠」於福岡各地公開展示。
7月12日— 追い山馴らし（開始時間：15:59）
呢個係7月15日舉行「追山笠」嘅事前排練，隊伍行走嘅路線全長約4公里，可以媲美正式舉行嘅「追山笠」。
7月13日—集團山見（開始時間：15:30）
隊伍從吳服町交岔路口開始，繞行到中央區天神市役所前，全程約1.2公里。市長等地位重要嘅人物，將會現身於台上！
7月15日— 追山笠（開始時間：04:59）
凌晨4點59分，第一個山笠隊伍隨著太鼓嘅節奏從神社出發。接著第二個到最後一個山笠會依序出場，從櫛田神社出發前往街上繞行。
博多祇園山笠祭令人驚訝嘅禁忌：祭典期間禁食青瓜！？女性禁止參加！？
博多祇園山笠祭期間禁止食青瓜， 聽聞係因為青瓜嘅切口紋路同櫛田神社祇園宮嘅神紋相似，所以食青瓜則表示大不敬呀！連當地學校提供嘅餐食都唔會有黃瓜呢。
女性從以前就被禁止參加抬山笠，或抬山笠嘅男性甚至唔可以觸碰女性（現時因提倡性別平等，因而廢除此規定）。另外，亦有人話治喪期間嘅人都唔可以參加山笠。
喺邊度睇博多祇園山笠祭最好？
祭典嘅高潮「集團山見」同「追山笠」舉行嘅呢幾日，觀看嘅人潮會非常多！建議至少提前1至2個鐘就要去到櫛田神社附近啦。喺祭典期間，櫛田神社周邊都設有付費嘅觀賞座位，每年6月26日喺櫛田神社開賣，非常搶手，一票難求！
去博多祇園山笠祭舉行地點「櫛田神社」嘅交通資訊
博多祇園山笠祭喺櫛田神社周邊舉行。去櫛田神社可以從博多站搭開往姪濱方向嘅福岡市營機場線電車，3分鐘喺中洲川端站落車，步行8分鐘即達。
祭典資訊
- 名稱：博多祇園山笠祭
- 地址：福岡縣福岡市博多區上川端町1-41 （櫛田神社）
- 開放時間：（櫛田神社本殿參拜時間）04:00～22:00
- 固定休息日：沒有
- Wi-Fi：沒有提供
- 語言對應：僅限日文
Comments