鹿兒島縣霧島市嘅霧島神宮，係霧島旅遊必去嘅景點。呢個係一個充滿神話故事嘅神社，亦係九州熱門景點之一。
有關霧島神宮
霧島神宮係一座創建於六世紀、歷史悠久嘅的神社。霧島自古以來都有傳說話係天孫降臨之地，霧島神宮祭祀神話中嘅日本開國之神「瓊瓊杵尊（niniginomikoto）」。神社被群山環抱、綠意盎然，加上神聖莊嚴嘅氣氛，係個洗滌心靈嘅聖地。沿著參道前進，會見到薩摩藩（現時鹿兒島）第21代當家、第4代籓主「島津吉貴」捐贈重建嘅殿宇。呢個係一座具有300年歷史、裝飾華麗嘅朱紅色社殿（國家重要文化財）。霧島神宮創建當初，原本位於高千穗峰內，但因為霧島山火山噴發而造成損毀，經過多次重建同遷移，於五百多年前遷移至現址。
霧島神宮每年舉辦上百場大大小小嘅祭典。其中，有幾個祭典仲可以睇到鄉土才藝表演，吸引來自縣內外大批參拜人潮，受歡迎嘅祭典有農曆2月4日舉行嘅「御田植祭」、1月1日「歲旦祭」，以及2月11日「紀元祭」，神社嘅本殿會供奉「九面太鼓」。
參拜霧島神宮前不可不知的日本神話基本知識
根據日本史書《古事記》、《日本書紀》嘅記載，日本開國之神降臨鴞霧島高千穗峰（另有各種說法），因而成為霧島神宮嘅主祭神「瓊瓊杵尊」。
霧島神宮的必看特色
霧島神宮嘅必睇特色係御神木「霧島杉」（霧島Measa, 霧島メアサ）。神社內前庭右方一角有一棵35米高嘅巨大杉木，樹齡已有800年。據說係南九州地區杉木嘅始祖。另外，「勅使殿」上面嘅雕刻裝飾都係必睇重點，雕刻咗傳說中嘅生物，就好似獏、獅子等。從勅使殿通往鎮守神社嘅石板道「龜石坂」兩旁古樹參天、蒼蒼鬱鬱嘅風景，更散發出一股神秘嘅氣氛。據說西鄉隆盛同坂本龍馬亦曾經行過呢條龜石坂道。
霧島神宮推薦必買：御神籤同御守
推薦必買嘅係女生同男生造型嘅「戀愛籤」（200円），色彩繽紛、上面有可愛嘅小花裝飾。仲有聽聞可以實現任何願望嘅霧島「帛袋花御守」（800日圓）都係非常推薦買嘅參拜紀念品。
霧島「七大不可思議」傳說，其中有六個都喺霧島神宮！
自古以來，霧島地區有各種各樣不可思議現象，被稱為「霧島七大不可思議」，其中有六個就喺霧島神宮出現。以下為你列舉其中幾個。第一個係「風穴」，即係喺神宮舊參道從岩穴中會不停地吹出風來。第二個係「御手洗川」，係一條位於霧島神社西側湧出嘅小川，11月到4月係枯水期，5月後湧水豐富，同時帶嚟一堆魚群。第三個係「龜石」，位於霧島神宮舊參道旁，外型似烏龜嘅自然石頭。有興趣可以去去霧島神宮發掘吓呀。
穿著和服參拜霧島神宮
霧島市觀光協會推出咗著和服參拜霧島神宮嘅體驗活動。可以挑選自己鐘意嘅和服樣式，穿著和服參拜霧島神宮。體驗費用每人各3,000円（男女同價），內含和服租借費同和服穿裝費。如果無足袋（即著和服時嘅襪），現場可購買女性用襪一對500円；男性用襪只供租借，一次500円。呢個和服體驗女性可以單獨一人參加，但男性需要以夫婦或情侶嘅名義一齊報名參加。需於體驗日5天前上官網預約（有英文）。
去霧島神宮嘅交通資訊
- [JR日豐本線]霧島神宮站→[鹿兒島交通巴士（向霧島岩酒店方向）→約15分鐘→霧島神宮前巴士站落車即達
關於神社
- 建立時間：西元6世紀
- 主祭神：瓊瓊杵尊
- 祭典：例祭（每月19日、一般人都可以參加）、8月5日獻燈祭「六月燈」等）
景點資訊
- 名稱：霧島神宮
- 地址：鹿兒島縣霧島市霧島田口2608-5
- 開放時間：隨時自由參觀
- 固定休息日：全年無休
- Wi-Fi：沒有提供
- 語言對應：僅限日文
- 入場費：參拜免費
Comments