四國村位於高松市，係將四國地區其他地方嘅傳統式古民房移築，並復原到此嘅戶外博物館。處於山腳，被大自然環境圍繞，四季有不同花卉盛開，係一個充滿生氣嘅地方。
四國村的介紹
四國村非常廣大，佔地約為50,000平方米。包括國家指定嘅重要文化財產在內，此處有約30個歷史建築物林立。而建築物嘅種類有古代當地民家、傳統產業設施、番所（古代警察站崗地方）、燈塔等等，仲展示咗好多古代工具及擺設。隨參觀路線行，從入口起點到終點，一邊觀賞建築物，一邊散步，行哂整個園大約需時2個鐘。
四國村有咩玩？
喺四國村漫步於大自然環境中，除咗可以參觀傳統民房，欣賞藝術作品，仲有食店提供飲食。有唔少值得一看嘅景點，在此為大家介紹推薦嘅重點啦。
古代民家、醬油藏等傳統產業相關嘅歷史建築物
參觀四國村時，可以透過為數不少嘅歷史建築物、工具及擺設嘅展示，從而了解當時日本古代人民如何生活。
四國村內有12棟17至20世紀時建造嘅民房，除咗有以茅葺（茅草）建造屋頂嘅典型平屋式農家住屋，仲有以被石頭圍牆以防海邊強風嘅漁師之家。根據唔同時代及居住地點，可以睇到每個民房都有唔同特徵。
另外，仲有8棟製造砂糖、醬油等同傳統產業相關嘅設施。其中，喺飄著淡淡醬油香味嘅「醬油藏、麹室（發酵地方）」中，可以睇到巨型木桶等製作醬油用嘅工具。
於安藤忠雄建築師所設計嘅四國村Gallery欣賞藝術
可以喺四國村內鑑賞藝術作品都係其一大魅力。首先，四國村Gallery（畫室）嘅建築設計係出自日本建築界嘅代表—安藤忠雄之手。以混凝土製作出優美嘅美術館係一大特色。館內收藏有雷諾瓦（Pierre-Auguste Renoir)等歐洲畫家作品，亦有佛像、青銅器等多種美術作品可以欣賞得到。
此外，四國村所在地嘅高松市，係出名生產被稱為庵治石嘅花崗石等石材，所以四國村都有好多用唔同嘅石砌成嘅美術作品散佈園內。例如流水瀑布流過嘅階級狀石壁、石雕地藏菩薩等，全部都係由聞名世界嘅雕刻家—流政之嘅作品嚟㗎！
多彩嘅花草樹木及日本傳統建築物 於四季交織下嘅美景
四國村內處處竹林，充滿綠色生機，而且一年四季有各式各樣嘅花卉綻放。例如春天有櫻花同鬱金香；夏天有綠林、荷花或睡蓮等水面盛開嘅花；而秋天有紅葉同玫瑰；冬天則有水仙及茶花等，園內各處都有色彩繽紛嘅植物可以觀賞得到。每個季節嚟到都睇到不同嘅景色，尤其係花草樹木同傳統建築物互相襯托下嘅景色非常豔麗！
四國村嘅開放時間及入場費
四國村年中無休，幾時去都適合。不過要留意開放時間會因時期而有所不同：4至10月係08:30至18:00，11至3月則為08:30至17:30。無論邊段時期，最後入場都係關園前一小時。
四國村嘅入場費係大人1,000円、中學高中生600円、中學初中生及小學生為400円。另外，四國村Gallery舉辦企劃特別展覽期間，入場費都可能有變動。（2019年7月資訊）
去四國村嘅交通資訊
搭JR列車或琴平電氣鐵道呢兩種電車都可以去到四國村，不過琴平電氣鐵道嘅話就比較快。
搭JR電車的話，從JR高松站搭20分鐘到JR屋島站，行10分鐘即到。搭琴平電氣鐵道的話，喺高松市中心嘅瓦町站搭15分鐘到琴電屋島站，行5分鐘即到。
景點資訊
- 名稱：四國村（四国村）
- 地址：〒761-0112 香川縣高松市屋島中町91
- 交通：
- 高松站→[JR電車]約20分鐘→屋島站...徒歩約10分鐘
- 瓦町站→[琴平電氣鐵道]約15分鐘→琴電屋島站...徒歩約5分鐘
- Wi-Fi：有提供
- 語言對應：只有日文
- 購票方法：入口購票處
- 可否使用信用卡：不可
Comments