原本從東京都內到石川縣約需2至2個半鐘車程，但2015年北陸新幹線開通後，時間縮短為只需要60至80分鐘就到。交通變得更加便利後，唔只吸引日本國內遊客去玩，外國遊客都增加咗。可以講係相當重視旅遊業嘅地方。呢次要為大家介紹去石川縣旅遊時如何點揀住宿，同埋推薦幾間精選嘅旅館。
關於金澤嘅基本介紹
石川縣金澤市係石川縣當中最出名嘅觀光景點。喺江戶時代，除咗江戶（現在嘅東京）外，石川縣係日本全國嘅大名領主之中擁有最多領土嘅「加賀藩」，其城下町亦相當繁榮興盛。縣內有被列為史蹟嘅金澤城跡，以及有著美麗日本庭園嘅兼六園等等，都係去石川旅遊時不可不去嘅知名觀光景點！
金澤嘅推薦酒店、旅館
金澤有兼六園、金澤21世紀美術館同長町武家屋敷等多個觀光景點，所以喺金澤市區內都有多間唔同類型嘅旅館、酒店。喺金澤市區，特別推薦嘅係豪華且具有高級感嘅金澤日航酒店、高品味且能享用到頂級美味料理嘅東急金澤大酒店、仲有提供現代風格、摩登客房同受歡迎鐵板燒餐廳嘅金澤香林坊Trusty酒店等。
另外，喺金澤市區附近亦有溫泉鄉，距離金澤市區車程約20分鐘左右嘅地方就有個小型溫泉區—湯涌溫泉；距離約40分鐘左右嘅地方有只得3間旅館嘅辰口溫泉。
住喺交通方法嘅市區高級酒店又得，或者住喺溫泉區嘅旅館享受浸溫泉又得，得咗！
- 延伸閱讀：感受「日本」之旅 石川縣金澤推薦酒店3選
關於加賀嘅基本介紹
加賀市係以溫泉聞名嘅人氣觀光勝地。加賀地區有三個溫泉區，分別係片山津溫泉、山代溫泉、山中溫泉，合稱為「加賀溫泉鄉」。
- 延伸閱讀：日本石川縣嘅加賀溫泉以溫泉聞名全國！
加賀嘅推薦酒店、旅館
面向日本海嘅加賀市，盛產海鮮，當地特產品亦相當豐富。如果想喺加賀住返晚，推薦揀附餐嘅溫泉旅館，又可以浸個靚溫泉，又可以食到美味海鮮，一舉兩得！當中特別推薦嘅係位於山代溫泉嘅葉渡莉旅館，有內附露天浴池、充滿日本風情嘅和室客房，另外仲有共用嘅露天溫泉大浴池同私人包場浴池等。餐膳方面仲可以品嚐到加賀名產—蟹嘅料理添！
- 延伸閱讀：著名溫泉之鄉 石川縣加賀市嘅推薦旅館
Comments