喺日本嘅動漫迷之間相當流行嘅「痛袋 (痛バッグ)」，你有聽過嗎？知唔知係咩野嚟呢？早前喺東京舉行嘅「Anime Japan」，聚集左好多動漫愛好者，讓小編都見識左好多唔同款式嘅痛袋！大家未整痛袋嘅動漫迷，又或者啱啱想整過個新嘅話，不妨參考睇下啊！
「痛袋」係乜野？動漫迷嘅必需品？…
「痛袋」係指裝飾左動畫、漫畫、偶像等鍾意嘅角色、作品週邊嘅手袋或者背包。有啲會掛滿襟章或者公仔，粉絲們都會用自己鍾意嘅方式設計同裝飾充滿愛嘅「痛袋」。咁動漫迷就可以帶住自己嘅心愛角色周圍去，尤其係參加動漫活動。最近都好多廠商推出左唔同款式嘅透明塑膠夾層袋，方便動漫迷造自己嘅痛袋，非常有市場。
喺Anime Japan發現嘅「痛袋」
上圖係戀愛遊戲「美男演唱會 為你獻上戀歌」嘅角色・天宮杏里嘅痛袋。整面鋪滿左襟章。呢種用同樣角色嘅襟章舖滿哂成個袋嘅裝飾方法，係比較典形嘅痛袋。
同樣是戀愛遊戲「美男演唱會 為你獻上戀歌」當中嘅角色‧銀波律嘅痛包。銀波律嘅代表色係黃色，所以專登用左黃色嘅袋，再加上插圖同埋襟章，仲有匙扣裝飾。
呢個係動畫「BanG Dream!」嘅痛包，主要角色都全員到齊。由貼紙、襟章、匙扣，按比例平均咁排排企，好有自我風格嘅裝飾。
跟住呢款咁引人嘅痛袋，係「BanG Dream! 少女樂團派對」嘅登場人物・冰川紗夜粉絲嘅痛袋。以代表她嘅藍玫瑰為裝飾，相當美麗動人。
使用角色嘅代表物品裝飾、或者用成員代表色嘅包包，「痛袋」係粉絲們表達對角色嘅熱情同愛意(順便炫耀下收藏左乜野週邊)。你要唔要都設計款痛袋俾自己呢？如果擁有痛袋嘅朋友可以分享下整痛袋經驗啊～歡迎你留言俾我地！
Comments