喺日本對某啲事或者物非常狂熱喜愛嘅人，就會稱為「御宅族」。大家知道因為御宅族而衍生嘅「御宅藝」嗎？最近「御宅藝」掀起一遍熱潮，仲舉行咗世界級比賽。
就等我地一齊嚟了解「御宅藝」嘅魅力吧！
日本御宅族創造的「御宅藝」到底是什麼？
「御宅藝」簡單嚟講就係「御宅族嘅藝術」，主要利用螢光棒，編排出一段舞蹈表演。特色係表演者都會好賣力咁揮螢光棒，配合音樂高速明快嘅節奏舞動。
實際上，好多人去參加日本偶像、聲優嘅現場表演時，都會隨住音樂舞動螢光棒，為支持嘅偶像或者聲優打氣。呢個就係「御宅藝」嘅起源。但近年「御宅藝」並唔係只係「御宅族」先會做，而係發展成「螢光棒舞蹈」而開始被大眾認知。
集合世界各國御宅藝舞者！誰能獲得「螢光舞世界爭霸戰」嘅頭銜？
製造螢光棒嘅最大廠商「Lumica」於2019年1月喺東京舉辦了螢光舞世界大會「螢光棒舞蹈世界爭霸戰」，由2018年開始喺香港、洛杉磯、上海、台北、雅加達、馬尼拉、新加坡以及東京等各地舉舉辦咗初賽選拔，由地初賽獲勝嘅人，最後集合喺東京上演一場螢光舞激戰。係咪有啲驚訝咁多地方都流行螢光棒舞蹈呢？
總決賽嘅規則係各隊配合隨機撥放嘅音樂，揮出(?)自己風格嘅舞蹈。一齊去片睇吓總決賽有幾咁精彩！
係未每一個舞者嘅表演都好精彩呢？舞步清脆俐落，充滿力量，令人完全集中精神睇。完全感受到佢地用全身、全靈，全力去舞動嘅姿態，令人感動。
最後勝利女神到底對邊露出微笑？冠軍寶座得獎係日本嘅水矩先生。預計喺今年12月會又會開始下一輪螢光棒舞蹈世界大賽，或者下一位世界冠軍會嚟自香港？甚至係而家睇緊文章嘅你！快點嚟買支螢光燈棒去練習啦！
Comments