一直以來以「日本第一賞櫻名勝」享負盛名嘅奈良縣吉野山，有好多別樹一格嘅住宿設施。此外，整座山吉野山被列入世界遺產「紀伊山地的靈場和參拜道」區域裡，有幾座寺廟點綴其中。以下要為大家介紹吉野山嘅推薦住宿。
入住奈良吉野山旅館住宿開始賞櫻之旅
到咗春天，吉野山就會有約3萬株櫻花盛開。一開始並唔係為咗賞花而種植，而係當作係吉野山嘅聖樹而將櫻花樹培育起來。 此外，吉野山被形容為一個「一目千本」嘅地方，意思係可以一目了然地睇到一千棵櫻花樹。吉野山賞櫻區域，由下而上分為「下千本」、「中千本」、「上千本」、「奥千本」四個區域。櫻花季之外，吉野山嘅滿山翠綠亦令人心曠神怡。
奈良吉野嘅住宿特色
奈良縣嘅吉野有世界遺產「金峰山寺」同「吉野山」、仲有其他寺廟等景點。從下千本到奧千本，有好多為去寺院參拜嘅旅人而設、別具特色嘅住宿設施。可以享受溫泉、美食，以各種方式充分享受吉野旅行。
以溫泉同櫻花而聞名，著名文人雅士都曾經住過嘅「吉野溫泉元湯」
1870年開業嘅吉野溫泉元湯係一間坐落於幽靜美麗環境中嘅老舖旅館。被呢個地區嘅溫泉和櫻花所吸引，好多文人雅士都曾經嚟過住。例如，著名詩人島崎藤村曾住過嘅房間，仍然依照當年嘅樣貌保留落嚟。呢度嘅溫泉水罕見地係帶有紅色鐵質嘅溫泉，療癒身心靈。
另外，料理都係呢間旅館嘅特色之一。無論邊個季節去，都可以食到美味佳餚，例如合鴨鍋、使用野豬肉製作嘅牡丹鍋、日式會席料理等。係一間集溫泉、美食同美麗風景於一身嘅旅館，可以喺度過返個美滿嘅一晚。
旅館資訊
- 名稱：吉野溫泉元湯
- 地址：奈良縣吉野郡吉野町吉野山902-1
- 交通方式：從吉野站步行約20分鐘（住宿客人可享有免費接駁服務：需事前預約）
- Wi-Fi支援：有
- 各國語言對應：英文
- 可否使用信用卡：不可使用
江戶時代紀錄中有記載的「吉野莊 湯川屋」
吉野莊 湯川屋係一間記載於江戶時代嘅旅行遊記裡、創業300年嘅旅館。旅館建築採用當地木材建造，服務細膩周到。旅館好近吉野山中最具代表性嘅世界遺產金峰山寺藏王堂，而且呢個區域有好多特產商品店同餐廳，係吉野山旅遊嘅理想住宿地點。
美味嘅料理係呢間旅館嘅另一個魅力。特別係使用吉野特產嘅吉野葛特製而成嘅「西行鍋」，係令人印象深刻踲美味。呢間旅館可以給你一段美好嘅吉野山旅遊回憶。
酒店資訊
- 名稱：吉野莊 湯川屋
- 地址：奈良縣吉野郡吉野町吉野山440
- 交通方式：喺吉野站落車後，行到千本口站轉搭開往山上嘅纜車（約3分鐘），喺山上站落車後步行約7～8分鐘
- Wi-Fi支援：有
- 各國語言對應：英文
- 可否使用信用卡：可以
Comments