奈良嘅春日大社係全日本約3000座春日神社嘅總本社。春日大社位於神山御蓋山下，再入啲就係一整片被列為世界遺產嘅春日山原始森林，從一之鳥居行到春日大社御本殿嘅參道長約1,300米，參道兩旁有大大小小、成千座嘅石燈籠。神社境內嘅「國寶殿」，展示包括520件國寶級文物在內，總共多達3000件貴重歷史文物。
春日大社基本資料
春日大社創建於奈良時代初期嘅768年，當時為守護平城京而被創建。據說主祭神嘅「建御雷神」係騎著一頭白鹿，從茨城縣嘅鹿島嚟到奈良。首都遷至平安京（今京都市）之後，春日大社隨著平安京嘅繁榮發展，成為眾多信徒虔誠嘅信仰，經歷多次分靈（即分香），日本有多達3000個春日分社分佈全國。
春日大社境內，有約3,000個大大小小嚟自武士貴族、平民百姓向春日大社進獻嘅釣燈籠及石燈籠。春日大社嘅建築特徵為並立嘅四個社殿組成嘅本殿，圍繞本殿嘅朱紅色迴廊，與春日山麓嘅綠色森林互相輝映。另外，每年節分之日（每年2月）或盂蘭盆節（每年8月14日或8月15日）會舉辦「萬燈籠祭」，神社境內嘅3,000座燈籠會同時點亮祈福。
春日大社內「萬葉植物園」實屬賞紫藤花名勝景點
春日大社內嘅「萬葉植物園」，除咗種有能象徵春日大社嘅「紫藤」，仲有梅花、櫻花、蓮花等大約300種植物。從4月底到5月初正值藤花季期間，大約有20種200株紫藤花盛開，滿滿嘅紫藤從木架垂落嚟，又夢幻又浪漫。係關西地區數一數二嘅紫藤花著名景點。
春日大社嘅必遊重點
春日大社嘅第一個必睇重點係就係本殿門口高10米嘅「中門」，而左右邊嘅「御廊」長約13米，猶如大鵬展翅向兩側延伸開嚟。中門同御廊都係以春日大社嘅代表性朱紅色為主要建築色彩，於慶長18年（1613年）建造。
第二個必睇重點係「迴廊」。圍繞本殿嘅朱紅色迴廊吊滿咗一座座青銅吊燈籠，古意盎然。喺本殿前付500円「初穂料」（奉獻神明嘅金錢，類似香油錢），就可以穿過迴廊，從中門前往本殿參拜。
另外，神社境內嘅「國寶殿」，館藏品包括352件國寶級文物、971件重要文化財在內，總共有3,000件寶物。每年會舉辦唔同主題嘅展覽。大多數都係平安時代嘅寶物，太鼓廳仲展示咗一對兩座高6.5米、寬3.2米嘅「大太鼓（鼉太鼓）」。據說係日本最大規模嘅太鼓，實際上仲有喺「春日若宮御祭」嘅舞樂演奏上使用過添。
春日大社嘅「萬燈籠祭」
春日大社每年有3日舉辦「萬燈籠祭」：每年節分之日（每年2月）或盂蘭盆節（每年8月14日或8月15日）。神社境內會有3.000座燈籠同時點亮祈福，呈現出幻想般嘅世界。
去春日大社嘅交通方式
從JR奈良站或近鐵奈良站搭乘奈良交通巴士（往春日大社本殿方向），車程約12分鐘，喺春日大社本殿巴士站落車即達。或搭市內循環・外循環巴士，車程約10分鐘，喺春日大社表參道巴士站落車行約10分鐘。
※巴士時刻表依季節會有所變更，請事先查詢確認。
景點資訊
- 名稱：春日大社
- 地址：奈良縣奈良市春日野町160
- 交通方式：請參考上述資訊
- 對應語言：官方網站有繁體中文、簡體中文、英文、韓文、法文
- 入場費：正殿前特別參拜 500円、國寶殿500円、萬葉植物園500円
- 開放時間：
- 3至10月：06:30～17:30、11至2月：07:00～17:00、
- 正殿前特別參拜：09:00～16:00；
- 國寶殿：10:00～17:00（最後入館16:30）；
- 萬葉植物園：3至11月：09:00～17:00（最後入園16:30）、12至2月：09:00～16:30（最後入園16:00）；
- 夫婦大國社：09:00～16:30（如有傳統儀式時間可能會有所變更）
- 休息日（「500円正殿前特別參拜」不開放參觀之日期）：
- 3月8日左右～3月13日、12月20日～1月7日；及
- 每月1號、11號、21號；及
- 日本公眾假期：成人之日、節分之日、春分之日、秋分之日；及
- 5月第3個週五；及
- 2月17日、3月14日、3月15日、4月3日、5月5日、5月10日、8月7日、8月15日、10月9日、11月3日、11月23日、12月17日嘅上午
- ※除此之外，如有臨時祭典儀式亦不開放參觀。
- 請出發前從官方網頁確認開放時間
Comments