位於長崎縣島原市嘅島原城，建於雲仙岳嘅山麓，係島原市嘅象徵，最大嘅特色就係白牆嘅天守閣。以下要為大家介紹島原城從建城、廢城到重建嘅歷史，及其旅遊魅力。
長崎島原城的簡介
島原城喺1618年開始建築、於1620年完成。關於築城，有一說係歷時4年，亦也有一說要歷時7年先完成。島原城係一座規模非常宏偉嘅城堡，以五層嘅天守閣為中心，共有3個三層嘅櫓（防御用嘅小城樓）、33個防禦用平櫓（一重嘅防禦用城樓），仲有7座城門。然而，島原城喺明治維新時期被拆除，只留低石牆同護城河。目前睇到嘅島原城係1960年後復原重建，亦成為咗熱門嘅旅遊景點。
長崎・島原城嘅必睇之處
島原城復原後嘅五層天守閣及櫓
根據島原藩藩主嘅日記、各種記錄、島原城嘅繪圖等，1960年第一個重建嘅係西側嘅「櫓」。之後，五層天守閣於1964年、巽櫓於1972年復原重建。從天守閣最上層，可以眺望宏偉嘅雲仙岳、島原街景等。
島原城嘅護城河城牆呈平緩曲線，上面建有防禦用嘅城樓「櫓」，加上高聳又優雅嘅天守閣。從大手御門跡眺望嘅島原城景色非常優美，可以欣賞白色嘅五層天守閣，喺藍天嘅襯托之下，顯得更加奪目耀眼。
島原城五層天守閣内嘅資料館
島原城復原嘅天守閣處，現時設立咗資料館。館內規劃咗多個展區，一樓嘅「貿易及傳教時期展區」，展示天主教史料，可以睇到好多受天主教同歐洲文化影響嘅展品。喺「禁教時代展區」，展示咗禁教後仍繼續暗中供奉信仰嘅潛伏基督教徒們嘅相關貴重資料。喺「島原之亂展區」，展示咗天草四郎嘅畫像、紀錄戰爭嘅圖畫、黃金製嘅十字架等。透過呢啲展品，彷彿可以感受到戰爭當時嘅混亂與悲痛。二樓嘅「鄉土資料展區」，展示咗作為島原城守護神角色嘅「刀」，以及其他武士盔甲與武士刀等。三樓則展示庶民生活相關嘅史料及物品。
島原城「七萬石武將隊」嘅表演
島原城於星期六、星期日及日本公眾假期，女性會組成「島原城七萬石武將隊」出陣，女扮男裝、持刀嘅武將們，為大家帶來精采嘅演出。
去島原城嘅交通方式
從長崎機場乘搭島鐵巴士，車程105分鐘，於島原站前巴士站落車步行5分鐘可抵達島原城。搭乘電車嘅話，從諫早站搭乘島原鐵道，車程70分鐘，於島原站落車步行5分鐘即可抵達。
景點資訊
- 名稱：島原城
- 地址：〒855-0036 長崎縣島原市城内1丁目1183-1
- 交通方式：「長崎空港站」搭島鐵巴士，約105分鐘後喺島原站前落車步行5分鐘。或諫早站搭島原鐵道，車程70分鐘，於島原站落車步行5分鐘
- 開館時間：09:00～17:30
- 票價：大人540円、小學到高中生270円
Comments