奈良飛鳥地區推薦餐廳4選

奈良縣嘅飛鳥地區有好多古墳、天皇陵墓同歷史遺跡，當中都有好多餐廳可以品嚐各式美食。例如，採用當地食材製作嘅日式午餐定食（套餐）、咖哩、日式甜點等。以下為大家介紹飛鳥地區私房推薦精選嘅4家餐廳。

1. 明日香村嘅儲酒倉庫老建築化身時髦咖啡廳「café Kotodama」

「café Kotodama」（caféことだま）係將200年歷史嘅儲酒倉庫老建築改造而成嘅人氣咖啡店。店內空間洋溢著日式懷舊氣氛，推薦採用明日香村所產嘅新鮮水果製作嘅甜品，使用明日香村（飛鳥地區嘅舊稱）產嘅新鮮蔬菜、米飯同豆腐製成、營養豐富嘅料理。「Kotodama午間套餐」非常受歡迎，時常高朋滿座，建議提前預約定啦。

餐廳資訊

• 名稱：café Kotodama（caféことだま）
• 地址：奈良縣高市郡明日香村岡1223
• 交通方式：從「橿原神宮前站東口」搭乘奈良交通巴士約20～25分鐘，於「明日香觀光會館前」下車即達
• Wi-Fi支援：無
• 語言應用：有英文菜單
• 可否使用信用卡：不可以

2. 飛鳥的古民家咖啡廳「Kohisampo」品嚐美食和自家烘焙咖啡

「Kohisampo」（珈琲 さんぽ）係一棟具有80年歷史嘅古民家改造咖啡店，店內空間洋溢著復古風情與木質嘅溫暖。人氣料理有自家烘焙嘅香濃咖啡、喺日本都好受歡迎嘅東南亞代表性料理「海南雞飯」、採用鳥取縣產大山雞嘅「雞肉咖哩」。如果晴天去食，就推薦揀店後院嘅露天座位，可以睇到飛鳥板蓋宮跡、國營飛鳥歷史公園內嘅「甘樫丘」小丘陵。去千年古都明日香村欣賞歷史與大自然交織成嘅景色，一邊享受咖啡與美食，做一日藝文青，夠唒難忘啦！

餐廳資訊

• 名稱：Kohisampo（珈琲 さんぽ）
• 地址：奈良縣高市郡明日香村大字岡55番地之4
• 交通方式：從橿原神宮前站或飛鳥站前，搭乘明日香周遊巴士約12～13分鐘，於岡橋本巴士站下車步行約1分鐘
• Wi-Fi支援：有
• 可否使用信用卡：不可使用

3. 可以食到飛鳥產古代米同新鮮蔬菜嘅咖啡店「Polka Dot」

Polka Dot日頭係咖啡店，夜晚化身成提供晚餐嘅餐廳。人氣嘅午餐套餐內容每日更換，例如有主菜雞肉搭配明日香村產嘅古代米（自古以來人們食用嘅有色米之總稱，包括紫米、黑米、紅米等）及當地嘅新鮮蔬菜。除咗套餐，仲有豐富嘅單嗌小菜、酒品等。去橿原神宮同車站附近嘅歷史景點觀光時，好推薦黎呢度食呀。

餐廳資訊

• 名稱：Polka Dot（ポルカドット）
• 地址：奈良縣橿原市久米町708 コレツィオーネ2樓​北側
• 交通方式：從橿原神宮前站步行約7分鐘
• Wi-Fi支援：有
• 可否使用信用卡：可以

4. THE 橿原（舊橿原皇家度假大飯店）裡面嘅「日式餐廳 Mahoroba」

「和食餐廳 Mahoroba」位於橿原神宮前站嘅「THE 橿原」（舊：橿原皇家度假大飯店）內。餐廳採用奈良縣產、新鮮且高品質嘅食材，製作呈現「季節感」嘅精美料理。午餐嘅人氣餐單有「明日香古代米定食」、含有「飛鳥Mahoroba鍋」（雞骨高湯中加入白味噌同牛奶，再放入蔬菜、雞肉、豆腐等食材料理）嘅「飛鳥定食」。另外，夜晚仲可以食到具有奈良鄉土特色嘅會席料理。

餐廳資訊

• 名稱：和食餐廳 Mahoroba（和食レストラン まほろば） 
• 地址：奈良縣橿原市久米町652番地之2
• 交通方式：從橿原神宮前站步行約7分鐘
• Wi-Fi支援：有
• 可否使用信用卡：可以使用