奈良縣嘅飛鳥地區曾係日本古都，有好多歷史遺跡、神社寺廟等景點。飛鳥地區都有好多別具特色嘅住宿。飛鳥地區有Kitora（キトラ）古墳、高松塚古墳等埋葬古代貴族嘅巨大墳墓作為旅遊景點。以下為你介紹奈良縣飛鳥地區嘅推薦住宿。
奈良縣飛鳥車站周邊，推薦住宿嘅地區
奈良縣飛鳥地區嘅國營飛鳥歷史公園係由五個地區構成，分別是石舞台地區、祝戶地區、高松塚周邊地區、Kitora古墳地區、甘樫丘地區五個地區構成，係一個充滿古墳、宮殿遺跡，活用各區嘅特色打造而成嘅公園。另外，歷史悠久嘅神社同寺廟景點都好豐富，例如，為了祭祀日本神話中初代天皇—神武天皇而建嘅橿原神宮。嚟到飛鳥地區旅遊，推薦入住於飛鳥車站周邊嘅酒店、旅館、民宿等等，去各個歷史遺跡等觀光景點都非常方便。
方便於飛鳥地區邊散步邊了解歷史文化的溫泉酒店「The 橿原」
The 橿原酒店離橿原神宮前站只有1分鐘路程，而且去飛鳥地區嘅日本古墳、神社、寺廟等景點都非常方便。客房有單人房、雙人房、和室等等5種類型嘅套房。餐廳方面，有日式、西式、中式、亦有獨立包廂，可以優閒地享用美食。另外，自助式早餐可以食到以奈良縣當地食材製成嘅美味料理。
呢間酒店有溫泉大浴池，可以浸岩風浴、檜木浴，將旅遊嘅疲憊一掃而空。呢兩種唔同類型嘅浴池每日男女交替輪流制。
酒店資訊
- 名稱：The 橿原（THE KASHIHARA）
- 地址：奈良縣橿原市久米町652番地2
- 交通方式：從JR橿原神宮前站步行約1分鐘
- Wi-Fi支援：有
- 各國語言對應：中文、英文、韓文
- 可否使用信用卡：可以
位於國營飛鳥歷史公園附近嘅「CAFE & PENSION 飛鳥」
旅館CAFE & PENSION飛鳥距離飛鳥站只有2分鐘路程，附設嘅咖啡店料理評價唔錯。行路就去到國營飛鳥歷史公園，或者去高松塚周邊地區玩都得，車程10分鐘嘅範圍內都已經有好多景點，係遊明日香村（飛鳥）嘅理想住宿。
旅館嘅房型豐富，從雙人房、三人房、四人房到和室都有。用餐時更可以喺自動彈奏嘅鋼琴演奏優美樂聲中，享用使用當地季節性食材製作嘅美味佳餚。
住宿資訊
- 名稱：CAFE & PENSION 飛鳥
- 地址：奈良縣高市郡明日香村越17
- 交通方式：從飛鳥站步行約3分鐘
- Wi-Fi支援：有
- 語言對應：英文
- 可否使用信用卡：不可以
Comments