談山神社，位於奈良縣櫻井市多武峰嘅深山之中。飛鳥時代，中大兄皇子（即後來嘅天智天皇）同藤原鎌足亦曾經喺度暢談大化革新，因此叫做「談山」，成為神社名稱。裡面供奉當時進行大化革新嘅中心人物—藤原鐮足。談山神社春天嘅櫻花、秋天嘅紅葉都非常出名，有「關西的日光」之稱。
談山神社簡介
談山神社源自藤原鐮足嘅長子定慧和尚，將父親嘅遺骨從攝津國（即現大阪府北中部及兵庫縣南東部）阿威山移至此地後建立嘅十三重塔。神殿由藤原鐮足嘅次子藤原不比等建立，並將父親嘅雕像安置於此。
談山神社嘅神佛分離制度好耐以前就已建立。起初被稱為「妙樂寺」，直到明治初年下達「神佛分離令」，將神道教與佛教、神明與佛祖、神社與佛寺徹底區分開來之後，先變成今日嘅神社。喺深幽靜謐嘅多武峰深山，有樓門、本殿、權殿等塗成鮮豔朱紅色嘅神社建築。談山神社係好出名嘅紅葉景點，冬季雪妝後嘅美景都好值得一睇。
談山神社嘅必睇特色
談山神社必睇之處就莫過於祭祀藤原鎌足嘅「本殿」，創建於大寶元年（701年），現存建立物為嘉永3年（1850年）重建。朱紅色嘅本殿，採用日本神社建築風格之一嘅「 三間社隅木入春日造」，建築外觀以色彩繽紛嘅花鳥等雕刻嚟做裝飾，裡面有供奉著藤原鎌足嘅雕像。據說興建日光東照宮時，曾參考過談山神社嘅本殿。談山神社嘅本殿被列為日本國家重要文化財。
另外，高17米，有檜皮屋簷嘅「十三重塔」都係必睇重點。呢座世界上唯一木造嘅十三重塔，係談山神社嘅標誌，同本殿同樣被列為日本國家重要文化財產。十三重塔係天武7年（678年），藤原鎌足去世後，由長男定慧和尚與次男不比等為父親祈求冥福所建立嘅，據說係模仿中國唐朝清涼山寶池院中塔嘅造型。而家睇到嘅十三重塔係享祿5年 (1532年）重建嘅。
談山神社係求姻緣嘅聖地
談山神社嘅東殿係戀神社，祭祀鏡女王。談山神社以祈求戀愛、姻緣聞名，神社內有好多同結良緣有關嘅地方。第一個係連結接殿下方鳥居與東殿（戀神社）嘅「戀之道」。另外仲有據說從古代以來就有神明居住嘅「緣份岩座」，聽講摸過呢個岩石後，祈求戀愛有關嘅願望就會成真。神社內又有賣鏡女王嘅戀繪馬（400円），可以將願望寫喺繪馬木牌上。
去談山神社嘅交通方式
從京都出發到近鐵京都線大和八木站轉車搭近鐵大阪線、JR櫻井線去到櫻井站落車，再走到櫻井站南口乘搭開往「開往談山神社（或多武峰）方向」嘅巴士，或搭的士最方便。
巴士方面，從巴士站「櫻井站南口」乘搭奈良交通櫻井站巴士，車程約25分鐘，於終點站談山神社落車後行3至5分鐘即可抵達談山神社。從櫻井站發車嘅巴士，大約1個鐘一班（依實際時刻表為準，有時2個鐘一班），秋天觀光旺季期間，會增加班次。
景點資訊
- 名稱：談山神社
- 地址：〒633-0032 奈良縣櫻井市多武峰319
- 交通方式：搭乘巴士於終點站談山神社下車步行3～5分
- Wi-Fi支援：拜殿內有免費Wi-Fi
- 票價：600円
- 開放時間：08:30～17:00（最後入場為16:30）
- 休息日：全年無休
Comments