白山迎接開山1300年周年記念！

白山係位於北陸地區嘅日本三大名山之一。白山山麓自然景點豐富，有神社寺廟、傳統建築物等各種觀光景點。另外仲可以體驗登山，滑雪等活動。

關於白山

白山係位於石川縣等北陸地區，橫跨幾個縣，係高2,000米群山嘅總稱。自古以來作為靈山受世人拜仰。夏天可以邊行山邊欣賞美麗嘅高山植物，冬天則可以喺優質嘅雪地上享受滑雪樂趣。

由於白山為高山地區，天氣變幻莫測，即使係夏天，朝早同夜晚亦可能只得10℃以下。所以去觀光前請先查好天氣預報，隨身攜帶雨具，穿適當嘅服裝為佳。如果以登山為目的，推薦氣候怡人嘅夏天出發。呢個時期，山頂附近遍佈各種盛開嘅高山植物，風景優美如畫。

白山除咗可以登山，感受大自然魅力，山麓上嘅觀光景點亦非常豐富。今次小編就要為大家介紹推薦嘅觀光景點。

喺夏天可以去白山行山，冬天則可以享受滑雪樂趣，因應季節可以進行唔同嘅戶外活動。白山自然景點同登山路線豐富，係登山嘅好去處。山頂附近可以欣賞到各種於花圃盛開嘅高山植物，山頂上有7個大小不同形狀嘅湖畔，又可以眺望到由雄偉白山所孕育嘅大自然景觀。

白山上有白山比咩神社、林西寺等，與白山有好大關連嘅神社寺廟。例如白山比咩神社係靈山白山嘅御神體，係全國約3,000間白山神社嘅總社。喺參道上聳立樹齡超過1,000年以上嘅杉樹，神社內洋溢莊嚴嘅氣氛。

白山山麓嘅白峰地區係日本數一數二嘅豪雪地帶。聚集著傳統建築様式嘅民宅，被列為「重要傳統建造物群保存地區」。最大嘅特徵為土黃色嘅墻壁同長方形嘅窗口，2樓設置搬柴入口。一於嚟呢個排滿做好豪雪準備嘅建築物同傳統老街散步啦！

從JR金澤站乘搭JR北陸本線，約3分鐘抵達JR西金澤站，行約5分鐘到北陸鐵道新西金澤站，轉車搭北陸鐵道石川線，約25分鐘到終點站鶴來站。而去白山附近觀光景點，喺呢度搭巴士就可以輕鬆去到啦。