由於過去日本鳥取縣呢片土地曾分屬「因幡國」同「伯耆國」。戰國時代嘅武將們互相奪取領地、戰爭不斷，因而興建咗數個城堡。而進入江戶時代後，呢兩個國嘅領地成立咗鳥取藩。所以縣內有數個古城遺跡留存至今。今次就同大家介紹3個鳥取縣知名嘅古城遺跡啦。
鳥取城跡、久松公園
鳥取城其實係「城郭的博物館」
興建於16世紀中旬嘅鳥取城，可以話其實係「城郭的博物館」。喺廣大嘅腹地內，保存有不同時代遺留下來嘅歷史遺跡。建於久松山嘅城郭為戰國時代築城，而建於山腳下嘅城郭則於江戶時代建成。此外，明治時代興建嘅法國文藝復興、西洋風格建築「仁風閣」都別有一番風味！
攻陷鳥取城的悲慘戰術
日本戰國時代，鳥取城係喺豐臣秀吉利用「兵糧攻法」下攻陷嘅城池，呢段歷史過往相當出名。而「兵糧攻法」指截斷守城兵士同農民嘅糧食輸送，令城內陷於糧食不足嘅飢餓狀態、甚至傳說有食人肉嘅悲慘事態。
櫻花盛開的鳥取城
現時城跡周圍作為久松公園設備完善，春季有超過400株櫻花盛開，晚間都有亮燈照明以供賞夜櫻。花季期間有好多攤檔擺賣，賞櫻人潮眾多，非常熱鬧。
景點資訊
- 名稱：鳥取城跡・久松公園
- 地址：鳥取縣鳥取市東町
- 交通方式：從JR鳥取站搭乘巴士約8分鐘，下車後徒步約5分鐘
- Wi-Fi支援：沒有
米子城跡
15世紀後半因為戰爭而興建米子城，更於16世紀末再建築有四層五重天守閣嘅本格城堡。後來，米子城成為鳥取藩嘅支城，喺江戶幕府嘅「一國一城令」原則下，原本要被毀城，但係幕府破例允許米子城存續，一直到明治時代都仲保存城堡原貌。雖然現時只有石垣同礎石等殘存，但成為可以一望米子市區的觀光景點。
景點資訊
- 名稱：米子城跡
- 地址：鳥取縣米子市久米町
- 交通方式：距離JR米子站徒步約20分鐘
- Wi-Fi支援：沒有
鹿野城跡公園
鹿野城築城時代不明。戰國時代嘅領主係侍奉豐臣秀吉嘅龜井氏。現時山頂上嘅石頭同內外護城河嘅石牆上仲有殘留著當時嘅面貌。而且城內種有約500株嘅染井吉野櫻，係知名嘅賞櫻勝地。
景點資訊
- 名稱：鹿野城跡公園
- 地址：鳥取縣鳥取市鹿野町鹿野
- 交通方式：從JR濱村站搭乘巴士約10分鐘，下車後徒步約10分鐘
- Wi-Fi支援：沒有
鳥取縣內去各城跡的交通方式
如果搭飛機出發去鳥取機場，到達後行20分鐘去JR鳥取大學前站，再搭「往東方向」嘅電車，約8分鐘到離鳥取城跡・久松公園最近嘅JR鳥取站。另外，從JR鳥取大學前站搭「往西方向」嘅電車，搭約20分鐘到離鹿野城跡公園嘅最近嘅JR濱村站。而再搭「往西方向」約1小時10分鐘電車，就可以去埋離米子城跡最近嘅JR米子站。如果從米子城跡開始旅程的話，咁就可以先飛去米子機場，從機場旁嘅JR米子機場站搭電車到JR米子站，車程約30分鐘左右。
Comments