位於石川市金澤市嘅「成巽閣」係一個日本國家指定重要文化財產。喺歷史悠久嘅成巽閣內，可以欣賞優雅又精緻嘅室內擺設、繪有美麗圖案嘅障子（日式紙門）、天花板，仲有美麗日本庭園。
關於金澤成巽閣
位於石川市金澤市嘅成巽閣係一個於1863年由前田家第13代籓主，前田齊泰為母親「真龍院」所建造嘅御殿。建築具有「大名書院造」及「數奇屋風書院造」兩種建築物式樣，美麗而獨特嘅風格令人印象深刻，現已被列為日本國家重要文化財產。 內部充滿花鳥圖樣嘅裝飾及豐富嘅色彩，演繹出女性特有嘅纖細優雅。成巽閣內有非常多值得欣賞嘅地方，例如係用色大膽鮮豔嘅「群青之間」，以及精緻嘅日本庭園等。
金澤成巽閣嘅特色
成巽閣嘅特色係色彩豐富、具有優雅風格嘅建築空間。裡面嘅家具充滿豐富多彩嘅植物、鳥類等裝飾。其中，「群青之間」嘅天花板使用咗法國進口嘅群青藍。鮮艷嘅藍色與木材形成對比，營造出色彩鮮明嘅空間感，可以感受到日本、中國及西方風格嘅融合。另外，成巽閣內風格雅致嘅障子（即日式紙門）、牆壁、天花板，都值得用心欣賞。甚至可以睇到豪華和服、日本人偶公仔等精美收藏品。
成巽閣嘅參觀資訊
成巽閣門票為大人、大學生700円、中學生300円、小學生250円。特展門票為大人、大學生1,000円、中學生400円、小學生300円。開放時間為09:00～17:00（最後入館時間為16:30）。每逢星期三（如遇上日本公眾假期則第二日休息），及每年12月29日至1月2日休館。
如何前往金澤成巽閣
從東京市區出發嘅話，首先從東京站乘搭北陸新幹線前往金澤站。再從金澤站乘搭兼六園接駁巴士，於縣立美術館・成巽閣站落車徒步1分鐘。或乘搭北陸鐵道路線巴士，於出羽町站落車徒步約2分鐘。亦可乘搭金澤Furatto巴士菊川線，於縣立美術館站落車步行約2分鐘。
景點資訊
- 名稱：成巽閣
- 地址：石川縣金澤市兼六町1-2
- 交通方式：兼六園接駁巴士「縣立美術館・成巽閣」巴士站落車徒步約1分鐘
- Wi-Fi：無
- 語言：僅限日文
- 購票方式：現場
- 信用卡：不可使用
Comments