吉野山係位奈良縣吉野町嘅山脈，整座山被登錄為世界遺產，係一個珍貴嘅觀光景點。而且作為日本首屈一指嘅櫻花名勝而聞名。山脊同山腳附近建有多座神社寺廟等具有歷史性嘅建築物，適合一次過觀光！
吉野山的歷史文化
吉野山喺約1,300年前作為修驗道（佛教宗派）嘅聖地而一直聚集信仰者前往朝拜。而修驗道係指日本自古以來嘅山岳信仰，加入神道、佛教融合而成嘅獨立宗教。
另外，喺山路上可見多間具歷史性嘅修驗道神社寺廟，仲會有唔少旅館，商品店等鱗次櫛比，形成「門前町」街道。
吉野山嘅氣候及觀光季節
吉野山比平地嘅氣溫低，雨量較多。一年之中以夏天嘅雨量最多，冬天嚴寒，所以推薦喺天氣較為穩定嘅春天或秋天出發去遊吉野山。春天遍山開滿櫻花，而秋天則轉為一大片紅葉，可以欣賞到整個山頭唔同美景為一大特徵。
吉野山嘅特色美景
沿著吉野山門前町街道有各種名勝同自然景點。今次小編就要同大家介紹推薦嘅觀光景點。
櫻花，紅葉等吉野山自然美景
吉野山係四季都可以欣賞到唔同景色嘅名勝地區。春天綻放櫻花，夏天有繡球花，秋天有紅葉，冬天則有雪景。各季節嘅景色同充滿風情嘅神社寺廟交織出一幅美景。其中春天綻放嘅櫻花為最大睇頭。吉野山上約有200種超過3萬株櫻花覆蓋著，形成長達8公里「櫻花海」嘅壯觀迷人美景！
金峯山寺等吉野山嘅神社寺廟
吉野山上坐立超過10間神社寺廟，其中4間被列入為世界遺產。當中金峯山寺更係必遊之處。金峯山寺係吉野山嘅代表景點，亦係金峯山修驗道嘅總本山（寺社大本營）。社殿為高約34米嘅厚重木造建築，擁有壓倒性嘅存在感。春天嘅櫻花同社殿互相輝映嘅美景簡直係如詩如畫。
吉野山當地美食＆餐廳
吉野山盛產各種名產美食，例如有以柿葉包裹著鯖魚及酢飯嘅「柿葉壽司」，以吉野嘅名產葛所製作嘅「葛烏冬」等都好出名。另外，亦推薦以櫻花為主題嘅和菓子「櫻羊羹」、「櫻餅」等等。以上名產美食可以喺位於近鐵吉野站附近，或者於山上門前町林立嘅和菓子專門店及餐廳享用得到。
吉野山嘅酒店、旅館住宿
吉野山嘅住宿設施多聚集於山上嘅門前町街道。大部分都係旅館、民宿類型，可以充分享受傳統日本風情。另外，吉野山上大部分住宿設施被自然環境環抱，可以從窗外眺望櫻花或紅葉等四季更迭美景。
去吉野山嘅交通方式
最近吉野山嘅車站就係近鐵「吉野站」。奈良出發的話，可以喺近鐵奈良站搭特急列車，再喺近鐵大和西大寺站或近鐵橿原神宮前站轉車，約1小時50分鐘抵達「吉野站」。
於近鐵吉野站行約3分鐘就到千本口站空中纜車乘車處，搭約3分鐘就到吉野山站。
景點資訊
- 景點名稱：吉野山（近鐵吉野站）
- 地址：奈良縣吉野郡吉野町吉野山6261
- 交通方式：於近鐵奈良站乘搭特急，於西大寺以及橿原神宮前站轉車，約1小時50分鐘抵達吉野站
- 是否提供Wi-Fi ：有（Yoshino Free Wi-Fi）
- 對應語言：英文
- 可否使用信用卡：VISA, MasterCard, JCB, AMERICAN EXPRESS, Diners Club International
Comments